گه‌ڕان

Shadow Shadow
سیاسه‌تی

130 کەس دەستگیرکران

ئەوروپا هەڵمەتێکى گەورە دژى قاچاخچییە کوردەکان دەستپێدەکات

2022.07.05 - 19:10
App store icon Play store icon Play store icon
ئەوروپا هەڵمەتێکى گەورە دژى قاچاخچییە کوردەکان دەستپێدەکات

ناس کورد-

ئاژانسی پۆلیسی ئەوروپا رایگەیاند، 130 کەسیان دەستگیرکردووە کە گومانیان لێدەکرێت دەستیان لە گواستنەوەى نایاسایی کۆچبەردا هەبێت، لە هەڵمەتێکى هاوبەشدا دژى تۆڕەکانى قاچاخچێتى کە بەشێکى سەرەکیان کوردن.

کەناڵی ناس کورد لە تێلیگرام جۆین بکە   

 

یۆرۆپۆل ئاماژەی بەوەشکردووە، کارەکانی پۆلیس کە تا ١٣ی حوزەیران بەردەوام بووە، هەروەها بووەتە هۆی دەستنیشانکردنی زیاتر لە ١٠٠ قوربانیی ئەگەری بازرگانیکردن بە مرۆڤەوە، ئەوەش بەپێی پێگەى "حورە".

 

لە میانی ئۆپەراسیۆنەکەدا کە بە هەماهەنگی دەزگای سنووری ئەوروپی فرۆنتێکس ئەنجامدرا، پشکنین بۆ نزیکەی یەک ملیۆن کەس و ٢٠٠ هەزار ئۆتۆمبێل لە سنوورەکانی دەریا و وشکانی و ئاسمانی ئەنجامدرا، کە بە شێوەیەکی سەرەکی لەسەر ئەو ڕێگایانەی کە زۆر بەکاردەهێنرێن بۆ ئەوروپا هاتوچۆ دەکەن.

 

15 وڵات لە سەرانسەری یەکێتی ئەوروپا بەشدارییان لەم ڕێوشوێنانەدا کرد، لەگەڵ بۆسنە و هەرسک، جەبەل ئەسوەد، مەکدۆنیای باکوور، سربیا، ئۆکرانیا، بەریتانیا و لیختنشتاین. لە ئۆپەراسیۆنەکەدا نزیکەی ٢٢ هەزار و ٥٠٠ کارمەندی جێبەجێکردنی یاسا بەشدارییان کردووە.

 

هەڵمەتی نێودەوڵەتی

بەپێی ئەوەی پۆلیسی ئەڵمانیا ڕایگەیاندووە، ڕۆژی سێشەممە هەڵمەتێکی نێودەوڵەتی لە پێنج وڵاتی ئەوروپا لەوان ئەڵمانیا و فەرەنسا دەستیپێکرد بۆ هەڵوەشاندنەوەی تۆڕێک لە قاچاخچیەکان.

 

ئەم تۆڕە لە قاچاخچییە پەڕینەوەی نایاسایی ئەو کۆچبەرانە ڕێکدەخات کە ئارەزووی ئەوە دەکەن بگەنە بەریتانیا، بەپێی گۆڤاری دێر شپیگڵی ئەڵمانی.

 

"پۆلیسی ئۆسنابروک" لە بەیاننامەیەکدا رایگەیاندووە، "هەڵکوتانە سەر و دەستگیرکردن" لە چەند ناوچەیەکی ئەڵمانیا ئەنجامدراوە.

 

جگە لە ئەڵمانیا و فەرەنسا، ئۆپەراسیۆنەکان لە بەلجیکا و هۆڵەندا و بەریتانیا بەڕێوەدەچن، پۆلیسی ئەڵمانیا، ئاماژەی بەوەشکردووە، "سەدان" پۆلیس بۆ ئەو مەبەستە کۆکراونەتەوە.

 

ئۆپەراسیۆنەکە لەم پێنج وڵاتە ئەوروپییەدا لەلایەن دەزگای پۆلیسی یەکێتی ئەوروپا "یۆرۆپۆل" و دەزگای هاوکاری دادوەری هەماهەنگی دەکرێت.

 

هیچ وردەکارییەکی زیاتر ئاشکرا نەکراوە، بەڵام گۆڤارەکە لە زاری پۆلیسی ئۆسنابرۆکەوە بڵاویکردووەتەوە، ئەم تۆڕە لە قاچاخچییە بە شێوەیەکی سەرەکی کوردى عێراقین، "لە 12 بۆ 18 مانگی رابردوودا" پەڕینەوەی "نزیکەی 10 هەزار کەسیان لەسەر بەلەمی لاستیکى" بەرەو بەریتانیا رێکخستووە.

 

لە وەڵامی پرسیارێکی ئاژانسی فرانس پرێسدا، پۆلیسی ئۆسنابروک ئەم زانیاریانەی پشتڕاست نەکردەوە.