گه‌ڕان

Shadow Shadow
سیاسه‌تی

بەپەلە

لە سلێمانییەوە هۆشداری دەدرێت: گەورەترین مەترسیمان لەسەرە

2022.07.03 - 15:09
App store icon Play store icon Play store icon
لە سلێمانییەوە هۆشداری دەدرێت: گەورەترین مەترسیمان لەسەرە

ناس کورد- 

بەڕێوەبەری گشتیی تەندروستیی سلێمانی هۆشداری دەدات لە پەرەسەندنی نەخۆشی تای خوێنبەربوون بەهۆی جەژنی قوربان و قوربانی کردنەوە، دەشڵێت، "گەورەترین مەترسیمان لەسەرە." 

کەناڵی ناس کورد لە تێلیگرام جۆین بکە   

 

د. سەباح هەورامی، بەڕێوەبەری گشتیی تەندروستیی سلێمانی لە کۆنفرانسێکی ڕۆژنامەوانیدا (یەکشەممە 3-7-2022) ڕایگەیاند، "ئەگەر لە رۆژانی جەژنی قورباندا هاووڵاتیان پابەندی رێنماییەكانی تەندروستی و ڤێتێرنەری نەبن، لە سلێمانی و هەرێمی كوردستان كارەسات روودەدات و نەخۆشی تای خوێنبەربوون بەشێوەی بەرچاو تەشەنە دەکات." 

 

وتیشی، "داوا لە مامۆستایانی ئاینی و دەزگاکانی ڕاگەیاندن دەکەم هاووڵاتیان هۆشیار بکەنەوە و پێویستە ئەو کەسانەی قوربانی دەکەن پابەند بن بە ڕێنماییەکانەوە و ئەو ئاژەڵانەی دەکرێن بە قوربانی پشکنینیان بۆ بکرێت و ڕێکاری خۆپارێزی بگیرێتەبەر." 

 

ئاماژەی بەوەشکرد، "هاووڵاتیان لەبەر ڕەزامەندی خوای گەورە خێر و قوربانی دەکەن، بۆیە پێویستە پابەندی ڕێنماییەکان بن و نەبنە هۆی بڵاوبوونەوەی نەخۆشییەکە."