گه‌ڕان

Shadow Shadow
سیاسه‌تی

هێمن هەورامی لەبارەى هەڵبژاردن: بەداخەوە شکستمان هێنا

2022.07.02 - 12:16
App store icon Play store icon Play store icon
هێمن هەورامی لەبارەى هەڵبژاردن: بەداخەوە شکستمان هێنا

ناس کورد-

هێمن هەورامی، جێگری سەرۆکی پەرلەمانی کوردستان ڕایگەیاند، تائێستا لێکنزیکبوونەوەیەکی وەها لەنێوان لایەنە سیاسییەکان و فراکسیۆنەکان نەهاتووەتەدی کە بتوانرێت هەڵبژاردنی پەرلەمانی کوردستان لەکاتی خۆیدا بکرێت، "یەڵام ئەگەر هەڵبژاردنی پەرلەمانی کوردستان دواش بخرێت، با ماوەیەکی کەم بێت."

کەناڵی ناس کورد لە تێلیگرام جۆین بکە   

 

 

هێمن هەورامی لە کۆنگرەیەکی ڕۆژنامەوانیدا (2ی حوزەیرانی 2022) وتی، ساڵی ڕابردوو زنجیرەیەک دانیشتنی لەناو سەرۆکایەتی پەرلەمان و فراکسیۆنەکان ئەنجام درا بۆ ئەوەی هەڵبژاردن لەکاتی خۆیدا بکرێت "بەڵام بەداخەوە نەتوانرا لەناو پەرلەمانی کوردستان ئەم سەرکەوتنە بەدەستبهێنرێت و شکستمان هێنا، هەم لە ڕووی یاسایی و هەمیش لەڕووی سیاسی."

 

دەشڵێت، "بابەتی هەڵبژاردن ڕەهەندی سیاسی و یاسایی هەیە، واتە تەنها پەرلەمان ناتوانێت یەکلایی بکاتەوە و لایەنەکان بۆچوونی جیاوازیان هەیە، نامانەوێت ببینە هۆی تێکدانی دۆخی سیاسی کوردستان و بابەتە سیاسییەکەی ڕەچاو نەکەین".

 

جەختیکردەوە کە "عەیبەیەکی گەورەیە بۆ هەموو حزبە سیاسییەکان و هەموو فراکسیۆنەکان و هەروەها بۆ هەموو خەڵکی کوردستان کە نەتوانین هەڵبژاردن لە کاتی خۆیدا بکەین، دەبێت هەوڵەکانمان بەردەوام، لێکنزیکبوونەوەیەک هەیە کە هەڵبژاردنە شەفاف بێت و تۆماری بایۆمەتری دەنگدەران پاک بکرێتەوە."

 

جێگری سەرۆکی پەرلەمانی کوردستان ڕاشیگەیاند، ئەگەر هەڵبژاردنی پەرلەمانی کوردستان دواش بخرێت، با ماوەیەکی کەم بێت.