گه‌ڕان

Shadow Shadow
سیاسه‌تی

کەشوهەوا

لەبارەى شەپۆلی گەرما و خۆڵبارین لە هەرێم ڕوونکردنەوە درا

2022.06.29 - 13:40
App store icon Play store icon Play store icon
لەبارەى شەپۆلی گەرما و خۆڵبارین لە هەرێم ڕوونکردنەوە درا

ناس کورد-

بەپێی پێشبینییە کەشناسییەکان، تاوەکو 10 ڕۆژی داهاتوو هیچ جۆرە شەپۆلێکی گەرما یاخود خۆڵبارین بۆسەر ناوچەکانی هەرێمی کوردستان لەئارادا نییە. 

کەناڵی ناس کورد لە تێلیگرام جۆین بکە   

 

ئاراس جەبار، کەشناسی دیاری هەرێمی کوردستان لە ڕوونکردنەوەیەکدا (29ی حوزەیرانی 2022) دەڵێت، "وەک پێشتریش ئاشکراکرا کە تا هەشت ڕۆژی سەرەتای مانگی ئایندە ئەگەری ھاتنی شەپۆلی گەرمای بەھێز لەئارادا نابێت و پلەکانی گەرما زیاتر بەشێوەیەکی ئاسایی بەرزدەبنەوە".

 

دەشڵێت، "بەگشتی سبەینێ پلەکانی گەرما بە ڕێژەی 1 تا 2 پلەی سیلیزی بەرزتردەبنەوە بەڕاورد بە ئەمڕۆ تا سێ ڕۆژی ئایندە بەم شێوەیە جێگیر ئەبێت".

 

ئاراس جەبار لەبارەى ئەگەری خۆڵبارینی چڕ لە ڕۆژانی داھاتوو بەتایبەت ڕۆژی ھەینی وتی، "ئەمە دوورە لە ڕاستییەوە بە نیسبەت ھەرێمی کوردستانەوە و تەنھا کاریگەری لەسەر ناوچەکانی ناوەراست و رۆژئاوای عێراق دەبێت، ئەوەش بەھۆی بوونی بای چالاکی باکوری ڕۆژئاواوە شەپۆلێکی خۆڵبارین ئەو ناوچانە دەگرێتەوە و کاریگەریەکی کەمی دەبێت لەسەر ناوچەکانی باشوری ئیدارەی گەرمیان و پارێزگای کەرکوک."

 

ئەو کەشناسە باسی لەوەشکردووە کە "لە سەرەتای ھەفتەی ئایندەوە تا کۆتایی ھەفتە کاریگەری بەرزەپاڵەپەستۆیەک لە سیبیریاوە ڕوودەکاتە ناوچەکانی باکور و باکوری رۆژئاوای وڵاتی ئێران کە خۆی لە بارستە ھەوایەکی وشک و سارددا دەبینێتەوە، لە ئەنجامدا پلەکانی گەرما بەرێژەیەکی بەرچاو 8 تا 10 پلە لە ناوچەکانی ئێران و کوردستانی رۆژھەڵاتدا نزمدەبنەوە، کاریگەری لەسەر کەشی ھەرێمی کوردستانیش ئەبێت بە نزمبوونەوەیەکی کەم لە پلەکانی گەرما و چالاکبوونی خێرای با لەنێوان 20 تا 50کم/س لە ئاراستەی باکوری رۆژھەڵاتەوە بەتایبەت لەناوچەکانی سنوری پارێزگای سلێمانی و ئیدارەی راپەرین و ناوچە شاخاویەکانی رۆژھەڵاتی پارێزگای ھەولێر".