گه‌ڕان

Shadow Shadow
سیاسه‌تی

’’لێکۆڵینەوەى بەپەلە’’

ڕێگایەک بۆ ’’لەسێدارەدانى’’ بکوژى دوو مامۆستاکەى زانکۆ دیاریکرا

2022.06.28 - 18:16
App store icon Play store icon Play store icon
ڕێگایەک بۆ ’’لەسێدارەدانى’’ بکوژى دوو مامۆستاکەى زانکۆ دیاریکرا

ناس کورد-

 

وه‌زیری پێشتری دادی هه‌رێم داوادەکات ئه‌نجومه‌نی دادوه‌ری به‌په‌له‌ لێكۆڵینه‌وه‌ له‌ ڕووداوی كوشتنی‌ دوو مامۆستاكه‌ی‌ زانكۆ بكات و به‌پێی‌ ماده‌ی‌ 406 بکوژەکە لەسێدارە بدرێت.

کەناڵی ناس کورد لە تێلیگرام جۆین بکە   

 

شێروان حه‌یده‌ری‌ (28-6-2022) بە میدیاى پارتى وت "پێویستیە رێكارێكی تایبه‌ت له‌گه‌ڵ ئه‌و ڕووداوه‌ بگیرێتەبەر، چونكه‌ تاوانبار حه‌ره‌می زانكۆی شكاندووه‌ و راگری كۆلیژی كوشتووه‌ و مامۆستایه‌كی‌ زانكۆیشی‌ له‌ماڵی‌ خۆی‌  كوشتووه‌".

 

وتیشى "ئه‌وانه‌ له‌ كاتی ئه‌ركدا بوون، پێویسته‌ ده‌سه‌ڵاتی دادوه‌ری رێكارێكی تایبه‌تی بكات نه‌ك رێكارێكی ئاسایی و دوور و درێژ كه‌ ساڵێك بخایه‌نێت".

 

بەوتەى حەیدەرى، سزای‌ ئه‌و كه‌سه‌ سێداره‌یه‌، چونكه‌ به‌پێی یاسا ده‌كرێت سزا بدرێت و په‌له‌ بكرێت. "ده‌سه‌ڵاتی‌ دادوه‌ری مافی هه‌یه‌ لێكۆڵینه‌وه‌یه‌كی به‌په‌له‌ بكات به‌ھۆی ئه‌وه‌ی ئه‌و تاوانه‌ گه‌وره‌یه‌، پێویسته‌ دادگا ئه‌و كه‌یسه‌ به‌ ماده‌ی 406ی یاسای سزای عێراقی یه‌كلا بكاته‌وه‌ و ده‌توانێ‌ جێبه‌جێیشی‌ بكات".

 

ماوەى 17 ساڵە لە هەرێمى کوردستان سزاى لەسێدارەدان راگیراوە و جێبەجێ ناکرێت.