گه‌ڕان

Shadow Shadow
سیاسه‌تی

زانیاریی زیاتر

فەرماندەی هێزەکانی 70 لەسەر هاتنی سوپای عێراق بۆ کۆرمۆر هاتەدەنگ

2022.06.26 - 19:39
App store icon Play store icon Play store icon
فەرماندەی هێزەکانی 70 لەسەر هاتنی سوپای عێراق بۆ کۆرمۆر هاتەدەنگ

ناس کورد-

فەرماندەی یەکەی ٧٠ی هێزەکانی پێشمەرگە ڕایگەیاند، شەوی ڕابردوو هێزە عێراقییەکان ویستوویانە بچنە کێڵگەی غازی کۆرمۆر، بەڵام ڕازییان کردوون کە بگەڕێنەوە، چونکە ئەو شوێنە لەژێر دەسەڵاتی هەرێمدایە، دەشڵێت، پێویستە، سەرکردایەتیی کورد دابنیشێت و چارەسەری ئەم دۆخەی ئێستای کوردستان بکات.

کەناڵی ناس کورد لە تێلیگرام جۆین بکە   

 

 

مستەفا چاوڕەش، فەرماندەی یەکەی ٧٠ی سەربە وەزارەتی پێشمەرگە (یەکشەممە 26-6-2022) بە میدیای پارتیی ڕاگەیاند، " تا ئێستا سێ جار مووشەك بە کێڵگەی غازی کۆرمۆرەوە نراوە، شەوی رابردوو هێزە عێراقییەکان ویستیان بگەنە ئەو شوێنە، بەڵام هەرچۆنێک بێت قسەمان لەگەڵ کردن و قەناعەتمان پێکردن بگەڕێنەوە، چونکە هاتنی ئەوان لەو کاتەدا باش نەبوو، هەر ئەو کاتە جێگری سەرۆکی حکوومەت و هێزەکانی پێشمەرگە و هێزەکانی بەرگریی فریاکەوتن و لیواکانی وەزارەتی پێشمەرگە و هێزەکانی ئێمە لەوێ بوون، چونکە ئەو شوێنە سنووی دەسەڵاتی ئێمەیە، وەک هەرێمی کوردستان." 

 

ئاماژەی بەوەشکردووە، "ئەو هێرشانەی دەکرێن، هەڕەشەن بۆ سەر حکوومەت و خەڵکی کوردستان، هێرشەکانیش هەرچەندە تا ئێستا کەس بەڕەسمی لەئەستۆی نەگرتوون، بەڵام بەدڵنیاییەوە دەستیان لەپشتە، هەموو کەسیش هەست بەوە دەکات، چونکە لەدوای هەڵبژاردنی پەرلەمانی عێراق، نەتوانراوە حکوومەت پێکبهێنرێ و وڵات بێ خاوەنە." 

 

ئەوەشی خستووەتەڕوو، "كۆرمۆر شوێنێکی گرنگی كوردستانە، ئێمە حەزمان لە شەڕ نییە و نەچووینەتە سەر خاکی کەس، بۆیە دەبێ سەرکردایەتیی کوردستان دابنیشێت و بیرێک لەم دۆخە بکاتەوە، تا یەکگرتوو بین کەس ناتوانێت زەفەرمان پێ ببات، ئەو بۆشاییەی کە هەیە، ئەوان سوودیان لێ بینیوە." 



مستەفا چاوڕەش باسی لەوەشکردووە، " دادگای فیدراڵیی عێراق هەموو رۆژێک بە ناوی نەوت و غاز هەڕەشەیەک لە کوردستان دەکات، بۆیە دەبێت هێزە کوردییەکان و یەکێتی و پارتی بەرنامەیەک بۆ ئەم دۆخە دابنێن." 

 

ئاماژەی بەوەشکردووە، " هێشتا هیچ نەبووە لە فەیسبووک خەریکە چاوی خەڵک دەردەکەن و دەڵێن شەڕ بووە و کۆرمۆر گیراوە، میدیا نابێ پێش رووداوەکان بکەوێت، یان کە مووشەكێك تەقێنرا ئیتر وا بزانن کوردستان وێران بووە، بەشێكی بەرچاو لە میدیاكان خەریکن قسەی نابەجێ دەکەن.“