گه‌ڕان

Shadow Shadow
سیاسه‌تی

ڤیدیۆ

وردەکاریی دووەم هێرش بۆ سەر کێڵگەى کۆرمۆر..موشەکەکە لەکوێ وە ئاڕاستەکراوە؟

2022.06.24 - 15:01
App store icon Play store icon Play store icon
وردەکاریی دووەم هێرش بۆ سەر کێڵگەى کۆرمۆر..موشەکەکە لەکوێ وە ئاڕاستەکراوە؟

ناس کورد-

 

 بەڕێوەبەرى ناحیەى قادر کەرەم رایگەیاند، هێرشەکەى ئەمڕۆى سەر کێڵگەى کۆرمۆر لەهەمان ئاڕاستەى هێرشەکەى دیکەوە بووە و هیچ زیانێکى لێنەکەوتووەتەوە.

کەناڵی ناس کورد لە تێلیگرام جۆین بکە   

 

سدیق محەمەد بەڕێوەبەرى ناحیەى قادر کەرەم (24-6-2022)  بە "ناس کورد" ى راگەیاند، هێرشەکە کاتژمێر 2:10 خولەکى پاش نیوەڕۆ بووە، کاتێک موشەکێک ئاڕاستەى کێڵگەکە کراوە.

 

وتیشى موشەکەکە لەدەرەوەى کێڵگەکە و لەناوچەیەکى چۆڵدا کەوتووەتە خوارەوە و بەهۆى بوونى پوش لەو شوێنە ئاگر کەوتووەوە.

 

سدیق محەمەد باسى لەوەشکرد، موشەکەکە لەهەمان ئاڕاستەى موشەکەکەى پێشووە هەڵدراوە، لە بۆشایى ئەمنى خواروى کێڵگەکەوە کە ناوچەیەکى بەرفراوانە.

 

جەختیشیکردەوە، هێرشەکە زیانى نەبووە و لێکۆڵینەوەش بەردەوامە، ئەوەش باس دەکرێت کە گوایە موشەکەکە بەر کەمپەکە کەوتووە راست نییە.

 

لەبارەى لێکۆڵینەوەکان لە هێرشەکەى پێشوو، سدیق محەمەد وتى تا ئێستا لێکۆڵینەوە بەردەوامە و نەگەیشتووە بەئەنجام.

  

لەماوەى سێ رۆژدا ئەمە دووەم جارە هێرش دەکرێتە سەر کێڵگەى غازى کۆرمۆر لەچەمچەماڵ کە لەلایەن کۆمپاناى دانا غازەوە بەڕێوەدەبرێت.  

  

هێرشەکەى پێشوو لە (22-6-2022) ئەنجامدرا لە ڕێگەى کاتیۆشایەکەوە کە هیچ زیانێکى گیانى لێنەکەوتەوە.  

 

عەلى حەمەساڵح سەرۆکى لیژنەى وزە لەپەرلەمانى کوردستان (24-6-2022) لە راگەیەنراوێکدا وتى "هێرشکرایەوە سەر کێڵگەی غازی کۆرمۆرو ئەمجارە لە کەمپەکە دراوە، دەسەڵاتداران پێویستە ئەم هێرشانە بەجدی وەربگرن!".