گه‌ڕان

Shadow Shadow
سیاسه‌تی

نوێ

لە سلێمانی بوو بە شەڕە تەقە و ئاسایش دەڵێت، هەندێک جار دۆخەکە وا دەخوازێت

2022.06.23 - 16:57
App store icon Play store icon Play store icon
لە سلێمانی بوو بە شەڕە تەقە و ئاسایش دەڵێت، هەندێک جار دۆخەکە وا دەخوازێت

ناس کورد-

ئاسایشی سلێمانی دەستگیرکردنی بازرگانێکی ماددەی ھۆشبەر و دەستگرتنی بەسەر بڕی 32 کیلۆ ماددەی ھۆشبەردا ڕاگەیاند و دەڵێت، لەکاتی دەستگیرکردنی تۆمەتبارەکەدا تەقە و ڕووبەڕووبوونەوە دروست بووە. 

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی ئاسایشی سلێمانی (پێنجشەممە 23-6-2022) ڕایگەیاند، "لە چالاکیەکدا بازرگانێکی ماددەی ھۆشبەریان دەستگیرکرد و دەستیان گرت بەسەر بڕی ( ٣٢ ) کیلۆ ماددەی ھۆشبەر لەجۆری [ کریستاڵ ] و تۆمەتبار ڕووبەڕوی یاسا دەکەنەوە." 

 

لە وردەکارییدا ئاسایشی سلێمانی دەڵێت، "لە شەوی ٢٠٢٢/٦/٢٢ لەسەر ڕێگەی سەرەکی نزیک ( گەڕەکی تاسلوجە )ی شاری سلێمانی، پاش کۆکردنەوەی زانیاری و چاودێریکردنی وورد ، ڕووبەڕوبونەوەی ھێزەکانی ئاسایش لەگەڵ تۆمەتبار و دروستبوونی تەقە، توانیان بازرگانێکی ماددەی ھۆشبەر بەناوی (  ھ ، ڕ ، ب )  دەستگیربکەن و دەستبگرن بەسەر بڕی ( ٣٢ ) کیلۆ ماددەی ھۆشبەر لە جۆری کریستاڵ کە تۆمەتبار لەدەرەوەی ھەرێمی کوردستان  ھێناوێتییە ناو شاری سلێمانی و بەنیاز بووە بیبات بۆ شاری ھەولێر." 

 

ئاماژەی بەوەشکردووە، پێش بەئامانج گەیاندنی کارەکەی  دەستگیرکرا و ماددە ھۆشبەرەکەش دەستی بەسەردا گیرا، تۆمەتبار بەپێی ماددەی ( ٢٥ ) لە یاسای ماددە ھۆشبەرەکان ڕاگیراوە." 

 

ئەوەشی خستووەتەڕوو، "لێرەوە داوای لێبوردن لە ھاوڵاتیانی شاری سلێمانی بەگشتی و ھاوڵاتیانی ( گەڕەکی تاسلوجە ) بەتایبەتی دەکەین کە لەکاتی ئەم چالاکیەدا بۆماوەیەکی کاتی تەقە دروست بووە، ھەموو لایەک ئاگاداردەکەینەوە کە ئێمە وەک ئاسایش ھەمیشە ھەوڵەکانمان بۆ سەقامگیری و ئاسایش و ئارامی بەردەوامە، گەرچی ھەندێکجار دۆخەکە وادەخوازێ کە تەقە دروستببێت، دووبارە داوای لێبووردن دەکەین."