گه‌ڕان

Shadow Shadow
سیاسه‌تی

’’سڵ مەکەرەوە’’

یەکێتى لەسەر توڕەبوونى رێواز فایەق هاتەدەنگ

2022.06.22 - 23:31
App store icon Play store icon Play store icon
یەکێتى لەسەر  توڕەبوونى  رێواز فایەق هاتەدەنگ

ناس کورد-

 

تەلەفزیۆنى زمانحاڵى یەکێتى رایگەیاند، دوو جۆر خەڵک "پەلامارى" رێواز فایەق سەرۆکى پەرلەمان دەدەن و داواى لێدەکات سڵ لەو قسانە نەکاتەوە، ئەوەش دواى ئەو رەخنانە زۆرانەى لەسەرۆکى پەرلەمان گیرا لەبارەى توڕەبوونى لەپەرلەمانتاران لە دانیشتنى پەرلەماندا.

کەناڵی ناس کورد لە تێلیگرام جۆین بکە   

 

تەلەفزیۆنى زمانحاڵى یەکێتى (22-6-2022) نوسیویەتى "کەسانێک لە رێواز فایەق لێی کەوتوونەتە تەقە و هەڵسوکەوتەکانیان خستۆتە ژێر میکرۆسکۆبی تیر و توانجەوە، ئەگەر سەرەڕای پشوودرێژیی و ئارامیی سەرۆکی پەرلەمان رووگرژییەکی لێ ببینن دەیکەن بە هەرا و جامی رق و کینەیانی بەسەردا دەڕێژن".

 

ئاماژەى بەوەشکردووە "سەیر لەوەدایە زۆربەی ئەوانەی لە سەنگەردان و پەلاماری دەدەن ژنن! لە جیاتی ئەوەی پشتیوانی هەنگاوەکانی بکەن و لەپشتی بن".

 

"کەسانێکی تر کە دژایەتی ئەم ژنە دەکەن کەسانی قین لە دڵ و بێتوانان و بە هەموو شێوەیەک چاویان بەم کارەکتەرە بەهێزەی خەباتی پەرلەمانیدا هەڵنایەت، ئەوەشیان بیرچۆتەوە کە نوێنەرایەتی یەکێتى دەکات، بەردەوامبە لەسەر هەڵوێست و کارەکانت و سڵ لە و پرتە و بۆڵەی کەسانی بێتوانا و هیچ لەبارا نەبوو مەکەرەوە".