گه‌ڕان

Shadow Shadow
سیاسه‌تی

منداڵەکەى رزگارکرا

لە سۆران ژنێک لەکاتى هەوڵدان بۆ رزگارکردنى منداڵەکەى خنکا

2022.06.22 - 22:17
App store icon Play store icon Play store icon
لە سۆران ژنێک لەکاتى هەوڵدان بۆ رزگارکردنى منداڵەکەى خنکا

ناس کورد-

 

بەرگرى شارستانى سۆران رایگەیاند، ژنێک لە رووبارى چۆمان خنکاوە، دواى ئەوەى هەوڵى رزگارکردنى منداڵەکەى داوە.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى بەرگرى شارستانى کە دەست "ناس کورد" کەوتووە،  خنکاوەکە ئافرەتە بە رەگەز عەرەبە ناوى (فظا على ناصر)ە لە دایک بووى ساڵى (1979) یە دانیشتووى رانیەیە بە مەبەستى گەشت و سەیران رووى لەم ناوچەیە کردبوو لەگەڵ کەس و کارەکەى.

 

ئاماژە بەوەشکراوە، هۆکارى رووداوەکە منداڵەکەى بووە کە کەوتۆتە ناو روبار ئەویش بەمەبەستى رزگار کردنى بەدواى دا خۆى فرێ داوە و خنکاوە منداڵەکەشى رزگار کراوە.

 

دەقى راگەیەنراوەکە:

 

ئەمرۆ چوارشەممە 22-6-2022 کاتژمێر (6:41) ی ئێوارە ئاگادار کراینەوە بە بوونى رووداوێکى خنکان لە رووبارى چۆمان نزیک پردى حافیز دەست بەجێ تیمى ئامادەباشى بنکەى بەرگرى شارستانى خانەقا دەرچوون بۆ شوێنى رووداو پەپێى راپۆرتى بنکەى ناوبراو بەرلەوەى بگەنە شوێنى رووداو تەرمى قوربانیەکە دەرهێندراوە لە لایەن هاوڵاتیانەوە کە ئامادەییان هەبووە لەم شوێنە , خنکاوەکە ئافرەتە بە رەگەز عەرەبە ناوى (فظا على ناصر)ە لە دایک بووى ساڵى (1979) یە دانیشتووى رانیەیە بە مەبەستى گەشت و سەیران رووى لەم ناوچەیە کردبوو لەگەڵ کەس و کارەکەى هۆکارى رووداوەکە منداڵەکەى بووە کە کەوتۆتە ناو روبار ئەویش بەمەبەستى رزگار کردنى بەدواى دا خۆى فرێ داوە و خنکاوە منداڵەکەشى رزگار کراوە .

ئەمەش لە کاتێکدایە لەسەرەتای ساڵەوە تاکو ئێستا ۷ هاووڵاتی لەرووبارەکانی سنوری بەڕێوەبەرایەتیمان خنکاون.