گه‌ڕان

Shadow Shadow
سیاسه‌تی

زانیاریی زیاتر

ڕۆزیتا بە هەشت ساڵی داعش بردی و بە 16 ساڵی لەڕێگەی فەیسبوکەوە گەڕایەوە

2022.06.20 - 23:32
App store icon Play store icon Play store icon
ڕۆزیتا بە هەشت ساڵی داعش بردی و بە 16 ساڵی لەڕێگەی فەیسبوکەوە گەڕایەوە

ناس کورد-

ڕۆزیتا حاجی باجۆ، كچێكی ئێزیدیە و تەمەنی تەنها هەشت ساڵ بوو لە هێرشەکانی داعش بۆ سەر شەنگاڵ ڕفێندرا،  دوای هەشت ساڵ لە تەمەنی شازدە ساڵیدا گەڕایەوە نێو ئامێزی گەرمی بنەماڵەكەی. 

کەناڵی ناس کورد لە تێلیگرام جۆین بکە   

 

ساڵی 2014 كاتێك داعش لە موسڵەوە پەلاماری شەنگاڵی دا، سوپای عێراق هەڵهاتبوو، هێزەکانی پێشمەرگەش لەو ناوچانە کشانەوە بە بیانووی کشانەوەی تەکتیکی.

 

رۆزیتا كچێكی ئێزیدی و یەكێك لەو قۆربانیانە بوو كە كاتێك رفێندرا تەمەنی تەنیا هەشت ساڵ بوو، رۆزیتا بەئاژانسی هاواری نزیک لە یەپەگەی ڕاگەیاندووە، "چەکدارانی داعش باوكمیان كۆشت و دایكمیان لەگەڵ خۆیاندا برد."

 

دام و دەزگاكانی ئێزیدیەكان دەڵێن لەنێو ئەو ئیزیدیانەی رفێندراون تا ئێستا سێ هەزار و 438 كەس رزگار كراون، بەڵام هەری كەم هەزار و 900 كەسی تر تا ئێستاكە چارەنووسیان نادیارە.

 

رۆزیتا و دایكی سەرەتا دەبرێنە موسل و پاشان بەرەو رەقە لە سوریا دەگۆازرێنەوە، ئەو و دایكی لەبازاری كوێلەفرۆشاندا دەفرۆشرێنە چەکدارێکی داعشی لجەزئائیری، ڕۆزیتا دواتر دەدرێتە چەکدارێکی تر بەناوی ئەبو ئیسلام.

 

رۆزیتا چەندین ساڵ ئەشكەنجە و ئازار دوبارە وەكو كەنیزەك لەنێوان چەند بنەماڵەیەكی عێراقیدا كڕین و فرۆتنی پێوە دەكرێت، وەردەكاری ژیانی زۆر دڵتەزێن و ویژدان هەژێنە.

 

كاتێك لە 23ی ئاداری 2019 هێزەكانی سوریای دیموكراتیك كۆتا مۆڵگەی ژێر دەستی داعشیان لەباخۆزی سوریا کۆنتڕۆڵکرد، رۆزیتا لەگەڵ بنەماڵەیەکی داعشدا دەگۆزارێتەوە بۆ نێو كەمپی هۆل، رۆزیتا ئەو كاتە سێزدە ساڵی دەبێت.

 

رۆزیتا دەڵێت؛ چەندین جار ویستم بەبەرێوەبەرانی كەمپەكە بڵێم كە من كچێكی ئێزیدیم، بەڵام دەترسام كە كۆمەڵگە ئێدی ئێمە قەبوڵ نەكەن، هاوكات چەکدارانی داعشیش هەڕەشەیان دەكرد كە ناسنامەی خۆت ئاشكرا نەكەی.

 

ڕۆزیتا لەتۆرە كۆمەڵایەتیەكاندا دەگەڕێتە شوێن كەس و كارەكەی، كاتێك چاوی بەیەكێك لەوان دەكەوێت، خۆی دەناسێنێت، ئەو كەسەش پەیوەندی بەماڵی ئێزیدیانەوە لەرۆژئاوای كوردستان دەگرێت و بەرێوەبەرانی كەمپی هۆل بەپەلە دەستوەردانی رەوشی رۆزیتا دەكەن و بەوشێوەیە رۆزیتا لەژێر چاودێری هێزە ئەمنیەكان لەو كەمپە دەردەخرێت.

 

رۆزیتا حاجی باجو ئێستاكە تەمەنی شازدە ساڵە، بەڵام قسەكانی بەبەرز و قوڵی مێژووە. ئەو بڕیاری داوە بگەڕێتەوە شەنگاڵ و لەگەڵ ئامۆزاكانیدا بژیت.