گه‌ڕان

Shadow Shadow
سیاسه‌تی

بزانە کەی دەگات

شەپۆلێکی چڕی خۆڵبارین بەڕێوەیە

2022.06.20 - 14:10
App store icon Play store icon Play store icon
شەپۆلێکی چڕی خۆڵبارین بەڕێوەیە

ناس کورد- 

بەگوێرەی پێشبینییە کەشناسییەکان، سبەینێ سێشەممە شەپۆلێکی چڕی خۆڵبارین عێراق و هەرێمی کوردستان دەگرێتەوە و تاوەکو ڕۆژی چوارشەممە بەردەوام دەبێت.

کەناڵی ناس کورد لە تێلیگرام جۆین بکە   

 

لە بڵاوکراوەیەکدا ئاراس جەبار، شارەزای کەشناسی ڕایگەیاند، سبەی سێشەممە ٢١-٦-٢٠٢٢ ئاسمانی ھەرێم بە زۆری ساماڵ دەبێت و لە ئەنجامی نزیکبوونەوەی بەرەی پێشەوەی ھەوا ساردەکە لەناوچە سنورییەکانی نێوان رۆژئاوای عێراق و سوریا کاتەکانی دوای نیوەرۆ خێرایی با لەو ناوچانەدا بەرێژەیەکی بەرچاو چالاک دەبێت و لە ئەنجامدا شەپۆلێکی خێرا و چڕی خۆڵبارین ناوەراست و رۆژئاوای عێراق دەگرێتەوە." 

 

ئاماژەی بەوەشکردووە، " لەکاتەکانی ئێوارە و شەویشدا کاریگەری ئەم خۆڵبارینە بە ئاراستەی باوە دەگوازرێتەوە بۆ ناوچەکانی ھەرێمی کوردستان کە کاریگەری لەسەر سەنتەری پارێزگاکانی ھەولێر و کەرکوک و سنوری گەرمیان بۆ ماوەیەک چڕ دەبێت و لەناوچەکانی دیکەی ھەرێمدا کاریگەری مامناوەند بۆ کەم دەبێت." 

 

ئەوەشی خستووەتەڕوو، " بەگشتی کاریگەری خۆڵبارینەکە لە بەرەبەیانی رۆژی چوارشەممە ٢٢-٦-٢٠٢٢ لەسەرجەم ناوچەکاندا کەم دەبێتەوە و بەکەمی بەردەوامی دەبێت ." 

 

بەگوێرەی پێشبینییەکانی ئەو کەشناسە، هەروەها سبەی پلەکانی گەرما بەراورد بە ئەمڕۆ بەرێژەی ٢ تا ٣ پلەی سیلیزی نزمدەبێتەوە و بەم شێوەیە دەبێت لەسەنتەری پارێزگاکانی ھەرێم ( سلێمانی٣٩  بە ٢٩، ھەولێر ٤١ بە ٢٩ پلە، دھۆک ٤٠ بە ٢٨ پلە، ھەڵەبجە ٤٢ بە ٢٨ پلە، کەرکوک ٤٢ بە ٣٠ پلە، لەناوچەکانی گەرمیان ٤٥ بە ٣٠ پلە، لە سنوری ئیدارەی راپەرین ٤٠ بە ٢٧ پلە و لە سنوری ئیدارەی سۆران ٣٨ بە ٢٦ پلە دەبێت.