گه‌ڕان

Shadow Shadow
سیاسه‌تی

زانیارى زیاتر

وردەکاریی کوژرانى پۆلیسێک لە دهۆک لەکاتى مەشقدا

2022.06.19 - 22:08
App store icon Play store icon Play store icon
وردەکاریی کوژرانى پۆلیسێک لە دهۆک لەکاتى مەشقدا

ناس کورد-

 

پۆلیسى دهۆک کوژرانى پۆلیسێکى لەکاتى مەشق و راهێناندا راگەیاند. 

کەناڵی ناس کورد لە تێلیگرام جۆین بکە   

 

هێمن سلێمان وتەبێژى پۆلیسى دهۆک (19-6-2022) بە رۆژنامەنوسانى راگەیاند، رووداوەکە نزیکەى کاتژمێر حەوتى ئێوارە لە گۆڕەپانى مەشق و شیاندن روویداوە و دوو پۆلیس برینداربوون.

 

وتیشى لەکاتى مەشقەکەدا بە کڵاشینکۆف تەقەکراوە و یەکێک لە پۆلیسیەکان فیشەکێک بەر سنگى کەوتووە و دواى گەیاندنى بە نەخۆشخانە گیانى لەدەستداوە.

 

پۆلیسە کوژراوەکە ناوى مێڤان شوکرییە و تەمەنى 35 ساڵە.

 

هێمن سلێمان باسى لەوەشکرد، لیژنەى لێکۆڵینەوە لەلایەن پۆلیسەوە پێکهێنراوە.

 

ئەو مەشق و راهێنانە ساڵى دوو جار لەلایەن پۆلیسەوە ئەنجام دەدرێن لەکاتى پلەبەرزکردنەوەى پۆلیسدا و یەکەمجار رووداوى لەو شێوەیەى تێدا روودەدات.