گه‌ڕان

Shadow Shadow
سیاسه‌تی

زانیاریی زیاتر

’’لاهور شێخ جەنگی دەکەوێتە جوڵە و گۆڕانکارییەکان ڕەتدەکاتەوە’’

2022.06.19 - 17:08
App store icon Play store icon Play store icon
’’لاهور شێخ جەنگی دەکەوێتە جوڵە و گۆڕانکارییەکان ڕەتدەکاتەوە’’

ناس کورد- 

لەدوای ڕووداوەکانی 8ی تەموزی نێو یەکێتی، لاهور شێخ جەنگی هەنگاوێکی نوێ دەگرێتەبەر و ڕوودەکاتە ئەنجومەنی باڵای دادوەریی عێراق، کەسێکی نزیکی لێشی دەڵێت،  لە داهاتوویەکی نزیک راستییەکان بۆ هەموو لایەک ڕوون دەبێتەوە و ئاسۆی سەرکەوتن دەردەکەوێت.

کەناڵی ناس کورد لە تێلیگرام جۆین بکە   

 

ئەمڕۆ یەکشەممە 19-6-2022، لاهور شێخ جەنگی لە بەغدا لەگەڵ  فایەق زەیدان، سەرۆکی ئەنجومەنی باڵای دادوەریی عێراق کۆبووەوە.

 

لە دوای کۆبوونەوەکە، بەختیار شاوەیس، پەرلەمانتاری پێشووی یەکێتی  کەسایەتی نزیک لە لاهور شێخ جەنگی لە بڵاوکراوەیەکدا ڕایگەیاند، "ئەمرۆ کاك لاهور جارێکی دیکە بۆ هەمووانی سەلماندەوە کە  ڕێز لە یاسا دەگرێت و بۆ چارەسەری هەموو کێشەکیش پەنا بردنە بەر یاسا بە باشترین ڕێگا دەبینێت." 

 

ئاماژەی بەوەشکردووە، "ڕێزگرتن لەدادگا و سەروەری یاسا بنەمای کاری سیاسی ئێمە بووە، هەر هەنگاوێک لەدەرەوەی یاسا و بەدەر لەڕێکارەکانی پەیڕەو جگە لەوەی کە ڕەتیدەکەینەوە هەروەها دەبێتە هۆی تێکدانی شیرازەی ناوخۆی حیزب و لەپرەنسیپە گشتیەکان دووریدەخاتەوە." 

 

ئەوەشی خستووەتەڕوو، "ئێمە پێمان وایە کەسیاسەتی راستەقینەی ڕێبازی مام جەلال دەستگرتن بە یاسا و پاراستنی سەروەریەکەی بوە و لەسەر ئەم بنەمایە بەردەوام دەبینم چونکە دڵنیاین کە ئەم رێچکەیە  لە داهاتوویەکی نزیک راستییەکان بۆ هەموو لایەک بە دۆست و ناحەز روون دەکاتەوە و بەمەش ئاسۆی سەرکەوتن دەردەکەوێت."