گه‌ڕان

Shadow Shadow
سیاسه‌تی

کەشوهەوا

کەشێکی چڕی گەرما دەگاتە هەرێمی کوردستان بەڵام فێنکی بەدواوەیە

2022.06.17 - 16:04
App store icon Play store icon Play store icon
کەشێکی چڕی گەرما دەگاتە هەرێمی کوردستان بەڵام فێنکی بەدواوەیە

ناس کورد-

بەپێی پێشبینییە کەشناسییەکان، سبەینێ شەممە ئاسمانی ھەرێم ساماڵ و ڕوون دەبێت و لە ئەنجامی چالاکبوونی نزمەپاڵەپەستۆی وەرزی گەرمی ساڵانە، پلەکانی گەرما لە سەرجەم ناوچەکان بە ڕێژەی 2 تا 3 پلەی سیلیزی بەراورد بە ئەمڕۆ بەرزدەبنەوە.

کەناڵی ناس کورد لە تێلیگرام جۆین بکە   

 

ئاراس جەبار، کەشناسی دیاری هەرێمی کوردستان لە ڕوونکردنەوەیەکدا (17ی حوزەیرانی 2022) دەڵێت، کەشێکی گەرم باڵادەست دەبێت و پلەکانی گەرما لە سەنتەری پارێزگاکانی ھەرێم بەمشێوەیە دەبن؛

سلێمانی 42 بە 26

ھەولێر 43 بە 27 پلە

دھۆک 42 بە 26 پلە

ھەڵەبجە 43 بە 26 پلە

کەرکوک 44 بە 28 پلە

لە ناوچەکانی گەرمیان 47 بە 29 پلە دەبێت

لە سنوری ئیدارەی ڕاپەرین 42 بە 26 پلە دەبێت

لە سنوری ئیدارەی سۆران 41 بە 25 پلە دەبێت.

 

دەشڵێت، "خێرایی با لە کاتەکانی نیوەرۆ بۆ ئێوارە چالاک دەبێـ بە ئاڕاستەی باکوری ڕۆژئاواوە بەخێرای 20 تا 40 کیلۆمەتر زیاتر لە کاتژمێرێکدا."

 

جەختیکردووەتەوە کە "کاریگەری ئەم شەپۆلە گەرمایە تا ڕۆژی چوارشەممە (22ی حوزەیرانی 2022) بەردەوامی دەبێت و ڕۆژی چوارشەممە کاریگەری بارستەھەوایەکی فێنک کاردەکاتەوە سەر کەشی ناوچەکە و پلەکانی گەرما بەرێژەیەکی بەرچاو ڕوو لە نزمبوونەوە دەکاتەوە.