کەناڵی ناس کورد لە تێلیگرام جۆین بکە
ناس کورد شاندێکی باڵای تورکیا بۆ تاوتوێ کردنی دۆسیەی ئاو لە نێوان بەغدا و ئەنقەرە سەردانی عێراقیان کرد و لەگەڵ بەرپرسانی پەیوەندیدار کۆدەبنەوە. . ئەمڕۆ، چوارشەممە 31ی تەمموزی 2019، وەزارەتی سەرچاوە ئاوییەکانی عێراق ڕاگەیەندراوێکی لەبارەی سەردانی شاندەکەی تورکیاوە بڵاوکردەوە. . بەپێی ڕاگەیەندراوەکە، جەمال عادلی وەزیری سەرەچاوە ئاوییەکانی عێراق ڕایگەیاندووە، شاندەکەی تورکیا، هونەریین و لە لایەن فەیسەل ئۆغلۆ، ڕاوێژکاری ڕەجەب تەیب ئەردوگان سەرۆکی کۆماری ئەو وڵاتەوە سەرۆکایەتی دەکرێت. . عادلی، لە ڕاگەیاندراوەکەدا،ئاماژەی بەوەکردووە، هەردووڵا بە مەبەستی پەرەپێدان بە پەیوەندییە ئاوییەکانی نێوان هەردوو وڵات، زنجیرەیەک کۆبوونەوەی ئەنجامدەدەن. . سەردانی ئەم شاندەی تورکیا لە کاتێکدایە، ساڵی ڕابردوو بەهۆی گرتنەوەی ئاوی دیجلە لە لایەن تورکیاوم قەیرانی کەمی ئاو لە ناوچەکانی ناوەڕاست و باشووری عێراق درووستبوو. .
