گه‌ڕان

Shadow Shadow
سیاسه‌تی

کۆتا خولەکى فڕین

ململانێى یاسایی لەسەر گواستنەوەى کۆچبەران لەبەریتانیاوە بۆ ڕواندا بەردەوامە

2022.06.14 - 23:46
App store icon Play store icon Play store icon
ململانێى یاسایی لەسەر گواستنەوەى کۆچبەران لەبەریتانیاوە بۆ ڕواندا بەردەوامە

ناس کورد-

 

ململانێى یاسایی لە کۆتا خولەکدا بەردەوامە لەسەر یەکەم گەشتی حکومەتی بەریتانیا کە پەناخوازان بۆ ڕواندا دەگوازێتەوە.

 

کەناڵی ناس کورد لە تێلیگرام جۆین بکە   

 

دادگای مافی مرۆڤی ئەوروپا ڕایگەیاند، ڕێگرییان لە دوورخستنەوەی یەکێک لەو حەوت سەرنشینە کردووە کە بڕیار بوو شەوی سێشەممە بەرەو رواندا بگوازرێنەوە، ئەوەش بەپێی بی بی سی.

 

لە ئێستادا دادگا سەرقاڵى لێکۆڵینەوە لەدۆسیەى شەش کەسەکەى دیکە و تا ئێستا ڕوون نییە کە ئایا دادگاکە رێگرى لە تەواوی گەشتەکە دەکات یان نا.

 

بڕیاربوو ئەمڕۆ یەکەم فڕۆکەی بەریتانیا بە 31 پەناخوازەوە لە لەندەنەوە بەرەو رواندا بەڕێبکەوێت بۆ ئەوەی لەوێ کەیسەکانیان یەکلایی بکرێنەوە، ئەوەش دوای ئەوە هات کە دادگای لەندەن هەموو ئەو سکاڵایانەی بۆ هەڵوەشاندنەوەی ئەو بڕیارە پێشکێشی کرابوون، ڕەتکردنەوە.  

  

بەڵام لە کۆی ئەو 31 پەناخوازە، 24 دانەیان تکتەکەیان هەڵوەشێندراوەتەوە، واتە لەئێستادا تەنیا حەوت کۆچبەر ماون کە بە زۆر لەلایەن حکومەتی بەریتانیاوە ڕەوانەی ڕواندا دەکرێن، ئەوانیش خەڵکی عێراق، سوریا، ئێران و ئەلبانیان.  

بەپێی ڕاپۆرتێکی کەناڵی سکای نیوزی بەریتانی، زاهیر کە ناوی ڕاستەقینەی خۆی نییە پەناخوازێکی تەمەن 25 ساڵی خەڵکی هەرێمی کوردستانە و یەکێکە لەو کەسانەی ئەمڕۆ دەنێردرێن بۆ ڕواندا.  

زاهیر لە ناوەندی هێشتنەوە بە تەلەفۆن قسەی بۆ سکای نیوز کردووە و دەڵێت، "نە دەتوانم بخۆم نە دەتوانم بخەوم، بۆ دەبێت من بنێرن بۆ ڕواندا!".  

  

زاهیر دەڵێت ژیانی لە مەترسیدا بووە لە هەرێمی کوردستان چونکە لەگەڵ کەسێک شەڕی کردووە کە پەیوەندی بەهێزی بە بەرپرسێکی حکومییەوە هەبووە و هەڕەشەی کوشتنی لێکردووە.  

  

ئەو دەشڵێت، "ئێمە زۆر زۆر نیگەرانین، زۆر زۆر دڵگرانین، نازانین چیبکەین، ئێمە نازانین بۆچی ئێمە لێرەین."  

نیگەرانی زاهیر لەوەیە ئەو بۆ بەریتانیا هاتووە کەچی "دەبێت شەش هەزار میلی تر ببڕێت و بچێت بۆ کیشوەرێکی تر، ئەویش ئەفریقایە."  

  

زاهیر دەشڵێت، "وەزارەتی ناوخۆی بەریتانیا تەنها وتیان بۆچی عێراقت بەجێهێشتووە، بۆچی دەتەوێت لێرە داوای مافی پەنابەری بکەیت، منیش تەنها وتم ژیانم لە مەترسیدا بووە."  

  

"ئەوانیش تەنها وتیان باشە، ئیتر تکتێکیان پێداین و وتیان کەیسەکەت ڕەتکراوەتەوە، هیچ پرسیارێکیان نەکرد لەبارەى ئەوەی بۆچی ژیانم لە مەترسیدابووە، کێ بووە و چۆن بووە!".