گه‌ڕان

Shadow Shadow
سیاسه‌تی

’’27 هەزار بریندار’’

حەشدی شەعبی ’’ژمارەی ڕاستەقینەی چەکدارەکانی’’ ئاشکرا کرد

2022.06.13 - 10:13
App store icon Play store icon Play store icon
حەشدی شەعبی ’’ژمارەی ڕاستەقینەی چەکدارەکانی’’ ئاشکرا کرد

ناس كورد-

جێگری سەرۆک ئەرکانی حەشدی شەعبی بۆ کاروباری ئۆپراسیۆنەکان ڕایگەیاند، ژمارەی ڕاستەقینەی چەکدارانی حەشدی شەعبی 169 هەزارە و دەڵێت، "27 هەزار برینداریشمان هەیە."

کەناڵی ناس کورد لە تێلیگرام جۆین بکە   

 

یاسر عیساوی، جێگری سەرۆک ئەرکانی حەشدی شەعبی بۆ کاروباری ئۆپراسیۆنەکان لە لێدوانێکی بۆ میدیای فەرمیی عێراقییە (13ی حوزەیرانی 2022) وتی، "ژمارەی گشتیی هێزەکانی حەشدی شەعبی لە ئێستادا 169 هەزارە و 700 چەکداریشی هەیە لە مەزهەبە جیاوازەکان".

 

دەشڵێت، "ناتوانرێت ژمارەی چەکدارانی یەدەگ هەژمار بکرێت چونکە هەموو گەلی عێراق چەکداری یەدەگی ئێمەیە و هەزاران کەس لە باشور و ناوەڕاستەوە دەیانەوێت بەبێ بەرامبەر بێنە ڕیزەکانمانەوە."

 

یاسر عیساوی ئاماژەی بەوەشدا کە "ژمارەی بریندارەکان بە فەرمی گەیشتوونەتە 27 هەزار، 85%یان هێشتا کاردەکەن، زۆربەی سەرکردەکان بریندارن بە سەرۆک ئەرکان و فەرماندەکانی ئۆپەراسیۆنەکانیشەوە".

 

ناوبراو جەختیکردەوە کە "سەرهەڵدانەوەی داعش بووەتە ئەستەم."