گه‌ڕان

Shadow Shadow
سیاسه‌تی

هەڵوێستێک لە بارزانییەوە لەبارەى کشانەوەی سەدر

2022.06.13 - 09:34
App store icon Play store icon Play store icon
هەڵوێستێک لە بارزانییەوە لەبارەى کشانەوەی سەدر

ناس کورد-

مەسعود بارزانی، سەرۆکی پارتی دیموکراتی کوردستان ڕایگەیاند، "ڕێز لە بڕیاری بەڕێز موقتەدا سەدر دەگرین و چاودێری بەرەوپێچوونەکانی داهاتوو دەکەین."

کەناڵی ناس کورد لە تێلیگرام جۆین بکە   

 

دوێنێ یەکشەممە (12ی حوزەیرانی 2022) فراکیسۆنى سەدر کە بە (73) کورسییەوە خاوەنى زۆرترین کورسی پەرلەمانە لەسەر داواى موقتەدا سەدر لە پەرلەمان کشایەوە و محەمەد حەلبوسى، سەرۆکى پەرلەمانیش واژۆی لەسەر نامەى دەستلەکارکێشانەوەکە کرد.

 

ڕەوتی سەدر هەروەها لە هاوپەیمانیی سێقۆڵی کشایەوە و سەرجەم نوسینگەکانی لە پارێزگاکان داخست.

 

هەردوای ئەوە، محەمەد جەعفەر سەدر، كاندیدی موقتەدا سەدر و هاوپەیمانیی سێقۆڵی بۆ سەرۆكوەزیران لە كاندیدبوون كشایەوە.

 

کشانەوەى فراکسیۆنى سەدر لە پەرلەمانى عێراق دەرگاى بەرووى چەندین سیناریۆدا کردووەتەوە کە بەبڕواى بەشێک لە شرۆڤەکاران و سیاسەتمەداران یەکێکیان ئەنجامدانەوەى هەڵبژاردنە.

 

ئەحمەد عەبدحسێن سەرنوسەرى رۆژنامەى فەرمى عێراق لە بڵاوکراوەیەکدا ئاماژەى بەوەکردووە، حکومەتى بێ سەدرییەکان لەرۆزک دەبێت و دەکەوێتە ژێر هەڕەشەى سەدرییەکانەوە بەهۆى ئەگەرى جوڵاندنى شەقام لەدژى ئەو حکومەتە.

 

دەشڵێت "سەبارەت بە هەڵبژاردنی پێشوەختە، پێموایە کە سەدر ئامادەکاری دەکات بۆ بەدەستهێنانى زۆرینەیەکی چارەنووسساز و یەکلاکەرەوە".

 

هاوکات خەمیس خەنجەر، سەرۆکى هاوپەیمانى سیادە کە بەشێکە لە هاوپەیمانیی سێقۆڵی ڕایگەیاند، موقتەدا سەدر پەیوەندى پێوە کردووە و سوپاسى قوربانییەکانى ڕەوتى سەدرى کردووە لەپێناو نیشتیمان و چاکسازیی پڕۆسەى سیاسی.

 

me_ga.php?id=5312