گه‌ڕان

Shadow Shadow
سیاسه‌تی

زانیاریی زیاتر

ئەو کچە گەریلایەی میتی تورکیا دەستگیریکردووە کێیە؟

2022.06.07 - 15:56
App store icon Play store icon Play store icon
ئەو کچە گەریلایەی میتی تورکیا دەستگیریکردووە کێیە؟

ناس کورد- 

دەزگای میتی تورکیا ڕایگەیاند، کچە گەریلایەکی پەکەکەیان لە سوریا دەستگیرکردووە کە بەشداری چەندین چالاکی لە دژی سوپای تورکیا کردووە.

کەناڵی ناس کورد لە تێلیگرام جۆین بکە   

 

بەگوێرەی ئاژانسی ئەنادۆڵۆی تورکی، کچە گەریلاکە ناوی "دڵبیرین کاچار"ە و ناوی نهێنیی "ڕۆژدە"یە، لە ساڵی 2015  پارێزگای سیرت پەیوەندی بە پەکەکە/یەپەگە کردووە، دوای ئەوەی نزیکەی ساڵێک لە ناوچەکانی جودی و گابار چالاکی ئەنجامداوە، لە ساڵی 2016 چووەتە ڕۆژئاواى کوردستان لە سوریا.

 

ئاماژەی بەوەشکردووە، کاچار کە لە قەزای شنگال-ی عێراق مەشقی کردووە لە میانی ئۆپەراسیۆنەکانی لقی زەیتون لە مانگی یەکی ساڵی 2018 و ئۆپەراسیۆنەکانی کانی ئاشتی لە مانگی تشرینی یەکەمی 2019 بەشداری لە چالاکییە جۆراوجۆرەکاندا کردووە و دژی سوپای تورکیا شەڕی کردووە. 

 

ئاژانسە تورکییەکە دەڵێت، دەرکەوتووە کە کاچار ئەرکی فەرماندەی ڕێکخراوەکەی پێ سپێردراوە و دژی ئەگەری ئۆپەراسیۆنی تورکیا نێردراوە بۆ ناوچەی سەرێکانی لە ڕۆژئاواى کوردستان.

 

بەگوێرەی ڕاگەیەنراوێکی دەزگای میت، دڵبرین کاچار، لەمیانی ئۆپەراسیۆنێکی دەزگاکەدا لە سووریا دەستگیر کرا و بردراوەتە تورکیا.