گه‌ڕان

Shadow Shadow
سیاسه‌تی

سێ فەرمانبەری وەزارەتی پەروەردە بە تۆمەتی دزەپێکردنی پرسیارەکان دەستگیرکران

2022.06.04 - 13:18
App store icon Play store icon Play store icon
سێ فەرمانبەری وەزارەتی پەروەردە بە تۆمەتی دزەپێکردنی پرسیارەکان دەستگیرکران

ناس کورد-

دەزگای ئاسایشی نیشتمانیی عێراق دەستگیرکردنی سێ فەرمانبەری وەزارەتی پەروەردەی ڕاگەیاند بە تۆمەتی دزەپێکردنی پرسیاری تاقیکردنەوە وەزارییەکان.

کەناڵی ناس کورد لە تێلیگرام جۆین بکە   

 

دەزگاکە لە ڕوونکردنەوەیەکدا (4ی حوزەیرانی 2022) دەڵێت، "لەسەر مستەفا کازمی، ڕاسپاردەی فەرماندەی گشتیی هێزە چەکدارەکان، دەزگاکەمان بە هەماهەنگی وەزارەتی پەروەردە و وەزارەتی ناوخۆ دەستیکرد بە لێکۆڵینەوەی گشتگیر لەبارەى دزەپێکردن و بڵاوکردنەوەی پرسیاری تاقیکردنەوە وەزارییەکان".

 

ئاماژەی بەوەشکردووە کە "دوای زنجیرەیەک لێکۆڵینەوە و هەڵگرتنەوەی پەنجەمۆری فەرمانبەران، سێ فەرمانبەری وەزارەتی پەروەردە تاوانبارکران و بەرپرسیارن لە دزەپێکردنی پرسیارەکان، دوو کەسی تریش هێشتا لێکۆڵینەوە بەردەوامە لەگەڵیان."

 

جەختیکردووەتەوە کە "دەزگاکەمان چەند کەسێکیان دەستگیرکردووە کە لە تۆڕە کۆمەڵایەتییەکان پرسیارەکانیان فرۆشتووە."

 

درەنگانى شەوى 1ی حوزەیرانی 2022، وەزارەتى پەروەردەى عێراق دواخستنى تاقیکردنەوەى بیرکارى پۆلى سێیەمى ناوەندى ڕاگەیاند کە بڕیاربوو بۆ ڕۆژی دواتر ئەنجام بدرێت بەهۆی دزەکردنی پرسیارەکان.