گه‌ڕان

Shadow Shadow
سیاسه‌تی

وردەکاریی

بەڤیدیۆ؛ ’’بازرگانێکی مەترسیدار لە هەرێمی کوردستان دەستگیرکرا’’

2022.05.29 - 13:07
App store icon Play store icon Play store icon
بەڤیدیۆ؛ ’’بازرگانێکی مەترسیدار لە هەرێمی کوردستان دەستگیرکرا’’

ناس کورد- 

بنکەى نەهێشتنى ماددە هۆشبەرەکانى سۆران ڕایگەیاند، یەکێک لە مەترسیدارترین بازرگانەکانى ماددە هۆشبەرەکان لە هەرێمی کوردستان، لە بازگەیەکی سنووری ئیدارەی سەربەخۆی سۆران دەستگیرکرا.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بنکەى نەهێشتنى ماددە هۆشبەرەکانى سۆران (یەکشەممە 29-5-2022) ڕایگەیاند، "دواى چەندین سال بەدواداچوون، کۆکردنەوەى زانیارى و چاودێرى وورد سەرەنجام هێزەکانى بنکەى نەهێشتنى ماددە هۆشبەرەکانى سۆران توانیان تۆمەتبار ( س.ع.خ ) یەکێک لە گەورەترین بازرگانەکانى ماددەى هۆشبەر لە هەرێمى کوردستان لە بازگەى گۆجار سەر بە ئیدارەى سەربەخۆى سۆران دەستگیرى بکەن." 

 

ئاماژەی بەوەشکردووە، "تۆمەتبار خەلکى ئیدارەى ڕاپەڕینە و دانیشتووى قەلادزێ و ولاتى ئێرانە و پشکى شێرى هەبووە لە بەلاوکردنەوەى ماددە هۆشبەرەکان بە هەموو جۆرەکانى کریستال، هێرویین و تریاک لە هەرێمى کوردستان." 

 

ئەوەشی خستووەتەڕوو، "لە ماوەى ئەم چەند سالە هێزەکانى نەهێشتنى ماددە هۆشبەرەکان توانیان دەست بگرن بە سەر ڕێژەیەکى زۆر لە جۆرەکانى ماددەى هۆشبەر و حەبى هۆشبەر و چەندین ئۆتۆمبێل و دەستگیر کردنى ژمارەیەکى زۆر لە ئالوودەبووان و فرۆشیارانى ماددەى هۆشبەر کە کاریان بۆ ( س.ع.خ ) کردووە." 

 

بەگوێرەی ڕاگەیەنراوەکە، "ناوبراو سەرپەرشتى باندەکى گەورەى هاوردە کردن و بەلاوکردنەوەى ماددە هۆشبەرەکانى دەکرد و  بە دەستگیر کردنى ئەم بازرگانە، ماددەى هۆشبەر لە سنوورى پارێزگاى هەولێر بە شێوەى بەرچاو روو لە کەم بوون دەکات."