گه‌ڕان

Shadow Shadow
سیاسه‌تی

بەپەلە

ناوەڕۆکی کۆبوونەوەی عێراق و ئێران لەبارەى شەپۆلەکانی خۆڵبارین

2022.05.29 - 12:12
App store icon Play store icon Play store icon
ناوەڕۆکی کۆبوونەوەی عێراق و ئێران لەبارەى شەپۆلەکانی خۆڵبارین

ناس کورد-
فواد حسێن، وەزیری دەرەوەی عێراق پێشوازی لە عەلی سەلاجقە، جێگری سەرۆککۆمار و سەرۆکی ڕێکخراوی پاراستنی ژینگەی ئێران کرد و هەردوولا تاوتوێی شەپۆلی خۆڵبارین و ئاو و گۆڕانکارییەکانی کەشوهەوایان کرد.

کەناڵی ناس کورد لە تێلیگرام جۆین بکە   

 

 

لە کۆنگرەیەکی ڕۆژنامەوانیی هاوبەشدا (29ی ئایاری 2022) لە بەغدا، جێگری سەرۆککۆماری ئێران وتی، "چەند بابەتێکمان تاوتوێ کرد لەگەڵ شاندی عێراقی، کۆبوونەوەکەی ئەمڕۆ سەرەتایەکی باش بوو بۆ دروستکردنی هەماهەنگی لەبارەى شەپۆلەکانی خۆڵبارین."

 

وتیشی، "ئێران و عێراق ئەزموونیان هەیە لە سەقامگیرکردنی تۆپەڵە خۆڵی و لمییەکان."

 

عەلی سەلاجقە وتیشی، "بەمزوانە وەزیری وزە سەردانی عێراق دەکات لەبارەى زۆربوونی شەپۆلەکانی خۆڵبارین."

 

هاوکات فواد حسێن، وەزیری دەرەوەی عێراق وتی، "تاوتوێی گۆڕانکارییەکانی کەشوهەوامان کرد، هەروەها دۆسیەی ئاو و ئیدارەدانی لەلایەن عێراق و ئێرانەوە گەنگەشەکرا."

 

دەشڵێت، "شاندی هەردوولا چەند سەردانێک دەکەن بۆ چارەسەرکردنی کێشەکانی دۆسیەی ئاو."