گه‌ڕان

Shadow Shadow
سیاسه‌تی

کێ بۆردومانەکەی کرد؟

لەسەر بۆردومانەکەی ئەمڕۆی ئامێدی لێدوانی دژ بەیەک دەدرێت

2022.05.26 - 21:59
App store icon Play store icon Play store icon
لەسەر بۆردومانەکەی ئەمڕۆی ئامێدی لێدوانی دژ بەیەک دەدرێت

ناس کورد- 

 

لە بۆردومانێکدا بۆ ناوچە سنورییەکانی قەزای ئامێدی دوو منداڵ گیانیان لەدەستدا و چەند کەسێکی دیکەش برینداربوون، بەڵام تاوەکو ئێستا نازانرێت کێ بۆردومانەکەی ئەنجامداوە، دژەتیرۆری کوردستان دەڵێت، پەکەکە بووە و میدیای پەکەکەش دەڵێت، تورکیا بووە.

کەناڵی ناس کورد لە تێلیگرام جۆین بکە   

 

ئێوارەی ئەمڕۆ پێنجشەممە 26-5-2022 لە بۆردومانێکدا لە ناوچە سنورییەکانی ئامێدی، دوو منداڵ گیانیان لەدەستدا و چەند کەسێکی دیکەش برینداربوون. 

 

لەدوای بۆردومانەکە، لە ڕاگەیەنراوێکدا دژەتیرۆری هەرێمی کوردستان ڕایگەیاند، "پەکەکە بۆردومانی سنورەکانی ناحیەی بامەڕنێی کردووە و بەهۆیەوە دوو کەس گیانیان لەدەستداوە و دوو کەسی دیکەش برینداربوون." 

 

لە بەرامبەردا میدیای نزیک لە پارتی کرێکارەکانی کوردستان - پەکەکە دەڵێت، سوپای تورکیا بۆردومانی گەشت و سەیرانی هاووڵاتیانی کردووە و بەهۆیەوە دوو منداڵ گیانیان لەدەستداوە. 

 

جگە لە ڕاگەیەنراوەکەی دژەتیرۆری کوردستان، تاوەکو ئێستا هیچ دەزگایەکی هەرێم ڕوونکردنەوەی لەبارەی بۆردومانەکە بڵاونەکردووەتەوە.