گه‌ڕان

Shadow Shadow
سیاسه‌تی

بزانە چۆن

هەولێر؛ پیاوێک کچان هەڵدەخەڵەتێنێت و وێنە و ڤیدیۆیان تۆمار دەکات

2022.05.26 - 18:57
App store icon Play store icon Play store icon
هەولێر؛ پیاوێک کچان هەڵدەخەڵەتێنێت و وێنە و ڤیدیۆیان تۆمار دەکات

 

ناس کورد- 

 

پۆلیسی هەولێر ڕایگەیاند، پیاوێکی تەمەن 60 ساڵیان دەستگیرکردووە کە لەڕێگەی تۆڕە کۆمەڵایەتییەکانەوە و بە بەکارهێنانی وێنەی گەنجێک و خۆناساندنی وەکو کارمەندی دەزگایەکی راگەیاندن، کچان و ژنانی خەڵەتاندووە و پەیوەندیی لەگەڵ بەستون.

 

کەناڵی ناس کورد لە تێلیگرام جۆین بکە   

 

هۆگر عەزیز، وتەبێژی پۆلیسی هەولێر (پێنجشەممە 26-5-2022) لە کۆنفرانسێکی ڕۆژنامەوانیدا ڕایگەیاند، "کەسێک لەشاری هەولێر لە تۆڕە کۆمەڵایەتییەکان خەڵکی خەڵەتاندووە، وێنەی گەنجێکی بەکارهێناوە و پەیوەندیی لەگەڵ کچ و ژندا دروستکردووە و وێنە و ڤیدۆی تۆمارکردوون." 

 

ئاماژەی بەوەشکرد، "تۆمەتبارەکە تەمەنی 60 ساڵە، هەژمارێکی فەیسبووکی دانابوو بە وێنەی گەنجێک و خۆی وەکو ئەو گەنجە و کارمەندێکی دەزگای راگەیاندن ناساندبوو، پەیوەندیی لەگەڵ چەند کچێک بەستبوو، ئێمەش لە بەڕێوەبەرایەتیی پۆلیسی پارێزگای هەولێر، دوای ئەوەی ئەو گەنجە داوای یاسایی تۆمارکرد کەوا هەژمارێک هەستاوە بە کردنی ئەو کارە دەستمان بە لێکۆڵینەوە کرد." 

 

وتەبێژی پۆلیسی هەولێر باسی لەوەشکرد، دوای دەستگیرکردنیشی دانی بە تاوانەکەدا ناوە کە "هەستاوە بە بەکارهێنانی وێنەی ئەو گەنجە و لەگەڵ بەکارهێنانی وێنەکەش، پەیوەندیی خۆشەویستی و سۆزداریی لەگەڵ چەند کچێک بەستووە."