گه‌ڕان

Shadow Shadow
سیاسه‌تی

ئەى حەڵاڵ نییە؟

شێخی ئەزهەر: تەنها یەک ژن بەسە

2022.05.25 - 11:24
App store icon Play store icon Play store icon
شێخی ئەزهەر: تەنها یەک ژن بەسە

ناس کورد-
ئەحمەد تەیب، شێخی ئەزهەر لەبارەی فرەژنییەوە جەخت دەکاتەوە کە "یەک ژن بەسە" و دەڵێت، "زۆر جار دە بێتە هۆی ستەم لە ژن و منداڵەکان.

کەناڵی ناس کورد لە تێلیگرام جۆین بکە   

 

ئەحمەد تەیب لە وەڵامی پرسیارێکدا لەبارەی هاوسەرگیری و فرەژنییەوە (25ی ئایاری 2022) دەڵێت، "ئەوەی پێیان وایە ئەسڵ لە ئیسلامدا فرەژنییە هەڵەن، بابەتەکە زۆر جار ستەمە لە ژن و منداڵیش."

 

داواش لە موسڵمانان دەکات "دووبارە ئایەتەکانی قورئان بخوێننەوە لەبارەی فرەژنی و لە پێش و پاشی تێ بگەن."

 

شێخی ئەزهەر باسی لەوەش کردووە کە "موسڵمان ئازاد نییە لەوەی ژن بەسەر ژنی یەکەمیدا بهێنێت، ئەو مۆڵەتە کە ئیسلام داویەتی بۆ فرەژنی پێوەند و مەرجی هەیە، فرەژنی مافە بەڵام مافێکی پێوەنددار."

 

جەختی کردووەتەوە کە "فرەژنی بەبێ دادپەروەری حەرامە" و دەڵێت، "بەڵام من لەسەر قەدەغەکردن ئەو دیاردەیە قسە ناکەم و پشتگیری یاسایەک ناکەم کە مافی شەرعی لە مرۆڤ بستێنێتەوە، بەڵام بە هەموو شێوەیەک دژی خراپ بەکار هێنانی دەوەستمەوە."