گه‌ڕان

Shadow Shadow
سیاسه‌تی

ڕاگەیەنراوێک لە ئەنجومەنی ئاسایشی هەرێمی کوردستانەوە

2022.05.24 - 00:02
App store icon Play store icon Play store icon
ڕاگەیەنراوێک لە ئەنجومەنی ئاسایشی هەرێمی کوردستانەوە

ناس کورد-

ئەنجومەنی ئاسایشی هەرێمی کوردستان ڕایگەیاند، "گرووپێکی لەیاسابەدەر بە ناوی هەیئەی تەنسیقی موقاوەمەی عێراقی، کە لامان ڕوون و ئاشکرایە لە لایەن چ کەسانێکەوە هان دەدرێن، لە بەیاننامەیەکدا کۆمەڵێک تۆمەتی بێ بنەمایان هەڵبەستووە و هەڕەشە لە هەرێمی کوردستان دەکەن."

کەناڵی ناس کورد لە تێلیگرام جۆین بکە   

 

ئەنجومەنەکە لە ڕاگەیەنراوێکدا (24ی ئایاری 2022) دەڵێت، "ئەم هەرەشانە نوێ نین و بەکردەوەش تا ئێستا لە ناوچە جیاجیاکانی عێراق ئەوەی لە توانایاندا بووە بە فیتی هێزە دەرەکییەکان کردوویانە و بەرهەمیان بۆ عێراق تەنیا وێرانکاری و ئاژاوە بووە."


"ئێمە لێرەدا پێیان ڕادەگەیەنین کە هەر دەستدرێژییەک بۆ سەر هەرێمی کوردستان کە کیانێکی دەستووریی ناو عێراقە، باجێکی قورسی دەبێت. ئەوان لە مێژوو وانەیان وەرنەگرتووە گەرنا دەیانزانی کە هێزی گەورەتر و پڕچەکتر لە ئەوانیش نەیتوانیوە ئیرادەی گەلەکەمان ببەزێنێت،" ڕاگەیەنراوەکە وا دەڵێت.


ئەنجومەنی ئاسایشی هەرێمی کوردستان دەشڵێت، "ئەم گرووپە لەیاسابەدەرانە هەرەشەن بۆ سەر سەروەری و ئاسایشی عێراق و هەر ئەوانن زەمینەیان بۆ گەشەکردنی تیرۆر و هزری توندڕەوی خۆش کردووە."


"سوپای عێراق و هێزی پێشمەرگە سەرقاڵی کاری هاوبەشن لە دژی تیرۆریستان و ئەم گرووپانەش سەرقاڵی فیتنە و ئاژاوەگێڕی و وێرانکارین."


جەختیکردووەتەوە کە "حکوومەتی فیدراڵی بەرپرسە سەروەریی عێراق بپارێزێت و ئاستێک بۆ ئەم سەرەڕۆیی و دوژمنکارییانە دابنێت."