گه‌ڕان

Shadow Shadow
سیاسه‌تی

زیاتر بزانە

حەج و عومرەی هەرێم: باوەڕ بە بوونی حەجی بازرگانی مەکەن

2022.05.23 - 22:48
App store icon Play store icon Play store icon
حەج و عومرەی هەرێم: باوەڕ بە بوونی حەجی بازرگانی مەکەن

ناس کورد-

بەڕێوەبەرایەتی گشتی حەج و عومرەی هەرێم ئاگاداری هاوڵاتیان دەکاتەوە کە "حەجی بازرگانی بە شێوەیەکی فەرمی نەک تەنها لە کوردستان و عیراق بگرە لە سعودیەش هیچ بنەمایەکی نییە" و داواش لە هاوڵاتیانی هەرێم دەکات "باوەڕ بە هیچ کەس و کۆمپانیایەک مەکەن".

کەناڵی ناس کورد لە تێلیگرام جۆین بکە   

 

بەڕێوەبەرایەتی گشتی حەج و عومرەی هەرێمی کوردستان لە ڕاگەیەنراوێکدا (23ی ئایاری 2022) دەڵێت، "هەر وەک چۆن پێشتریش ئاگاداری هاووڵاتیانی کوردستانمان کردبووەوە، وەکو بەڕێوەبەرایەتی گشتی حەج و عومڕەی هەرێمی کوردستان ئەوە رووندەكەینەوە کە ئەمساڵ بە هیچ شێوەیەک حەجی بازرگانی بە شێوەیەکی فەرمی نەک تەنها لە کوردستان و عیراق بگرە لە سعوودیەش هیچ بنەمایەکی نییە و داواش لە هاوڵاتیانی هەرێمی کوردستان دەکەین کە باوەڕ بە هیچ کەس و کۆمپانیایەک مەکەن کە بانگەشەی هەبوونی حەجی بازرگانی دەکەن چونکە ئەگەری زۆرە پارەکەیان بەهەدەر بچێت، هەروەک چۆن لە ساڵانی رابردوودا زۆر خەڵک زەرەرمەندبوون و زیانیان پێكەوتووە."


دەشڵێت، "لێرەوە دیسان هاووڵاتیانمان ئاگادار دەکەینەوە کە بڵاوبوونەوەی هەندێک وێنەی لە تۆڕە كۆمەڵایەتییەكان گوایە وێنەی فۆرمی وەرگرتنی ڤیزای حەجی ئەمساڵە، دوای بە دواداچوونمان بۆمان دەرکەوت کە ئەو وێنانە هیچ بەروارێکیان لەسەر نییە، لەوە زیاتر نین كە لە بڵاوكراوەی ساڵانی پێشوو لە ئینتەرنێتەوە وەرگیراون بۆ سەرنجڕاكێشان و خەڵەتاندنی موسڵمانانی تامەزرۆی سەفەری حەج بەكاریان دێنن."


باسی لەوەشکردووە کە "سەرەڕای ئەوەی كە بڕە پارەیەكی زۆر بۆ حەجی بازرگانی داوادەكرێت، بێ ئەوەی هیچ بنەمایەكی فەرمی بۆ وەرگرتنی ئەو پارەیە هەبێت."


بەڕێوەبەرایەتی گشتی حەج و عومڕەی هەرێمی کوردستان هاوڵاتیان ئاگادار دەكاتەوە "لە هەمانكاتدا هۆشداری دەداتە هەموو کۆمپانیاکانی حەج و عومڕە، کە مۆڵەتی فەرمییان لە بەڕێوەبەرایەتی گشتی حەج وعومڕە وەرگرتووە خۆیان لەم کارە بە دوور بگرن. بە پێچەوانەوە بەهۆی بانگەشە و رێکلام کردنی بێ بنەما بۆ حەجی بازرگانی، دواجار ڕووبەڕووی لێپچینەوەی یاساییی و کارگێری دەبنەوە."