گه‌ڕان

Shadow Shadow
سیاسه‌تی

بەپەلە

لە هەرێمی کوردستان زەنگی مەترسی لێدرا

2022.05.23 - 08:50
App store icon Play store icon Play store icon
لە هەرێمی کوردستان زەنگی مەترسی لێدرا

ناس کورد- 

وەزارەتی تەندروستیی هەرێمی کوردستان هۆشدارییەکی لەبارەی خۆڵبارین بڵاوکردەوە و ڕێنمایی هاووڵاتیان دەکات کە دەرگا و پەنجەرەکانیان دابخەن و ئەگەر کاری زۆر پێویست نەبێت، نەچنە دەرەوە.

کەناڵی ناس کورد لە تێلیگرام جۆین بکە   

 

زیاتر بخوێنەرەوە: بەهۆی خۆڵبارینەوە بڕیارێک دەرکرا

 

 

دەقی ڕێنماییەکانی وەزارەتی تەندروستیی بۆ هاووڵاتیان: 

 

1- داخستنی دەرگا و پەنجەرە و پاککردنەوەی شوێنی خۆڵبارین بە تایبەت بۆ ئەو کەسانەی لە ماڵەوەن.

 

2- لە کاتی چوونە دەرەوە دەمامک ببەسترێت و ڕوو پۆشی خۆت و شوێنی مانەوە بکەی بەبەردەوامی.

 

3- دەرگا و پەنجەرە دابخە  ئەگەر بۆ حاڵەتی  زۆر پێویست نەبێت مەچۆ دەرەوە.

 

4- زۆر خواردنەوەی شلەمەنی بەتایبەت لەکاتی شۆفێری و چونە دەرەوە هەوڵبدرێت هەوای ناو ئۆتۆمبێل بکرێتەوە.

 

5- خواردنی میوە و سەوزە بەبەردەوامی.

 

6- تێکەڵ نەبوونی هاوڵاتیان و مامەڵە نەکردنیان لەگەڵ سەگ و پشیلە کە لە ئێستادا لەلایەن هاوڵاتیانەوە گرنگی زۆری پێدەدرێت ، چونکە ئەو تۆز و خۆڵە لەگەڵ فەرووی ئاژەڵەکان کێشە دروست دەکات.

 

7- لە کاتی بوونی هەر حاڵەتێکی نەخوازراو هاوڵاتیان دەتوانن پەیوەندی بە هێڵی گەرمی ژمارە 122 بکەن.

 

کاریگەریەکانی خۆڵبارین:

 

1- دەبێتە هۆی هەستیاری و پێڵووی چاوەکان سووردەبنەوە و تووشی خوران دەبن.

 

2- هەستیاریی لوت و بە تایبەتیش نێوپۆشی لوت سوور دەبێتەوە تووشی هەوکردن دەبێتەوە، بەمەش گیرانی لوت دروست دەبێت و کەسەکە تووشی تەنگەنەفەسی دەبێت.

 

3- گوشاری خوێن و خوێنبەربوون و هەوکردنی گوێچکەی نێوەڕاست، زۆر جار دەرئەنجامی ئەم خۆڵبارینەیە و کاریگەری دروست دەکات لەسەر ئەو کەسە.

 

4- ئەو کەسانەی کێشەی هەناسەتووندیی و رەبۆیان هەیە لەگەڵ ئەم خۆڵبارینە نیشانەکانیان زیاد دەکات.

 

5- زۆر جار دەبێتە هۆی خورانی پێست و سووربوونەوە و نەخۆشیی ئێکزیما.

 

6- کاریگەری لەسەر کۆئەندامی هەناسەدان و سییەکان دروست دەکات و بەمەش کەسەکە تووشی کۆکە و پژمین و  ناڕەحەتی زۆر دەبێت، چونکە ئەو دەنکۆڵانە هەڵگری میکرۆب و بەکتریان.