گه‌ڕان

Shadow Shadow
سیاسه‌تی

زانیاریی زیاتر

سەنتەرێكی ئیماراتی: سێ سیناریۆ چاوەڕێی دۆخی سیاسی عێراق دەكات

2022.05.20 - 22:05
App store icon Play store icon Play store icon
سەنتەرێكی ئیماراتی: سێ سیناریۆ چاوەڕێی دۆخی سیاسی عێراق دەكات

ناس کورد- 

لە ڕاپۆرتێکدا سەنتەرێکی ئیماراتی سێ سیناریۆ بۆ دۆخی سیاسیی عێراق دەخاتەڕوو کە یەکێکیان ڕووبەڕووبوونەوەی چەکداری یان شەپۆلێکی نوێی ناڕەزایەتییە.

کەناڵی ناس کورد لە تێلیگرام جۆین بکە   

 

دەقی ڕاپۆرتەکە: 

 

مركز الإمارات للسياسات EPC

|

20 مايو 2022

 

سیناریۆی یەکەم ئەوەیە کە هێزە کێبڕکێکارەکان ناچار دەبن بژاردەیەکی تەوافوق بخەنە ڕوو بۆ ئەوەی زیاتر گرژییەكان پەرە نەسەنن. ئەم بژاردەیە رەنگە ئەگەری گەیشتنی “پارتی دیموکراتی کوردستان” و “یەکێتی” بە لێكگەیشتن خێراتر بکات، بە شێوەیەک کە پاڵ بە تەوافوقەوە بنێت و بەشێک لە هێزەکانی “چوارچێوەی شیعە” ناچار بکات بچنە ناو رێککەوتنێکەوە لەگەڵ هاوپەیمانی سێ قۆڵی بە گەیشتن بە فۆرمولەی سازان لە نێوان هەردوو لایەن (لە نێوان زۆرینە و تەوافوق)، دۆخێکی بردنەوە-بردنەوە بۆ ئەوان بەدەست دەهێنێت و پێدەچێت ئەم سیناریۆیەش سەربگرێت. 

 

سیناریۆی دووەم ئەوەیە کە چەقبەستوویی سیاسی و گرژیی نێوان لایەنە جیاوازەکان بۆ چەند مانگی داهاتوو بەردەوام دەبێت، بە تایبەت کە وردەکارییەکانی پێکهێنانی حکومەت و هاوکێشەکانی و پرسە گرنگەکانی وەک دۆخی “جووڵاندنی جەماوەری” و چەکی میلیشیاکان، و پەیوەندیی نێوان هەرێمی کوردستان و حکومەتی فیدراڵی و بەتایبەتی مەلەفی نەوت، ئەمەش دەرگای بە کراوەیی دەهێڵێتەوە بەڕووی ئەگەری پێشبینی نەکراودا، وەک پەرەسەندنی بەرەو ڕووبەڕووبوونەوەی چەکداری یان شەپۆلێکی نوێی ناڕەزایەتی.

 

سیناریۆی سێیەم، پەنابردن بۆ هەڵوەشاندنەوەی پەرلەمان و ئەنجامدانی هەڵبژاردنی پێشوەختە، رەنگە بەپێی یاسایەکی نوێی هەڵبژاردن بێت کە باس لە هەندێک لەو کێشانە دەکات کە بووەتە هۆی چەقبەستوویی سیاسی. بەڵام پێناچێت ئەم سیناریۆیە بەهۆی ترسی هێزە براوەکانی وەک "ڕەوتی سەدر" و "تەقەدوم" و "دەوڵەتی یاسا" لە پاشەکشە لە ئەنجامەکانیان لە ئەگەری ڕێکخستنی هەڵبژاردنی نوێ، و زۆربەیان پەرلەمانتاران بەرژەوەندی شەخسی نابینن لە وازهێنان لەو داهاتانەی کە پەرلەمانی ئەندامێتی پێشکەشی دەکات، بە تایبەت لەگەڵ نەبوونی گەرەنتی ئەوەی کە هەڵبژاردنی نوێ لە ڕاستیدا کۆتایی بەو چەقبەستووییە سیاسییەی ئێستا بهێنێت.