گه‌ڕان

Shadow Shadow
سیاسه‌تی

وردەکاریی

دادگاى ئیتاڵیا بڕیارى لەسەر سزاکەى مەلا کرێکاردا

2022.05.18 - 21:36
App store icon Play store icon Play store icon
دادگاى ئیتاڵیا بڕیارى لەسەر سزاکەى مەلا کرێکاردا

ناس کورد-

 

برایەکى مەلا کرێکار رایگەیاند، دادگای باڵای ئیتاڵیا بڕیاریدا سزاکەى مەلا کرێکار وەک خۆی بمێنێتەوە، کە 12 ساڵ زیندانییە.

کەناڵی ناس کورد لە تێلیگرام جۆین بکە   

 

خالید رەنجدەر (18-5-2022) لە بڵاوکراوەیەکدا وتى "ئەمڕۆ 2022/5/18 دادگای باڵای ئیتاڵیا بڕیاریدا حوکمەکەی مامۆستا وەک خۆی بمێنێتەوە، واتە 12 ساڵ حوکم". 

 

وتیشى "دادگا ئەم بڕیارەی بەزارەکی بەپارێزەرەکەی وتووە. ئێستا دادگا 90 ڕۆژی بەدەستەوەیە کە ئەو بڕیارە بەنووسین بدات بەپارێزەرە ئیتالییەکە و ئەویش شکاتی لەسەر بکاتەوە. ئەگەر بەڵگەی نوێ هەیە پێشکەشی بکات. دوای ئەوە دادگا جارێکیتر دانیشتنی بۆ دەکاتەوە".

 

لە 10ی تەموزی 2020، بڕیار بوو جارێکی تر دادگای تێهەڵچوونەوەى بۆلزانۆ پێداچوونەوە بە سزادانی نەجمەدین فەرەج ئەحمەد، ناسراو بە مەلا کرێکار بکاتەوە کە لە 15ی تەموزی 2019، بەبێ ئامادەبوونی خۆی بە 12 ساڵ زیندانی سزای دا، بەڵام داواکەى مەلا کرێکار بۆ پێداچوونەوە ڕەتکرایەوە و سزاکەى وەک خۆی جێبەجێ دەکرێت.    

  

جگە لە مەلا کرێکاری 63 ساڵ، نۆ کەسی تر لە کەیسەکەدا تێوەگلاون و بە چەند ساڵێکی جیاواز سزا دراون، سەرجەمیان تۆمەتبارکراون بە دروستکردنی گروپێکی جیهادی بە ناوی "ڕەوتی شاخ" و هەوڵدان بۆ ئەنجامدانی "کاری چەکداری" لە وڵاتانی ئەوروپا، مەلا کرێکایش سەرپەرشتی کردوون.    

  

پارێزەرە ئیتاڵییەکەى مەلا کرێکار بە ناوی ڤیتۆریۆ پلاتی پێی وایە کە هیچ بەڵگەیەک نییە بۆ تۆمەتبارکردنی مەلا کرێکار بۆ تێوەگلانی بە ڕێکخراوێکی تیرۆرستییەوە.    

  

ئەو بە میدیاکانی ئیتاڵیا وتووە، "زۆر ڕوون و ئاشکرایە کە هیچ بەڵگەیەک نییە بۆ ئەوەى بیسەلمێنێت کە مەلا کرێکار بەشداری کردووە لە تۆڕێکی تیرۆرستی."    

  

برینجار مێلینگ، پارێزەرە نەرویجییەکەى مەلا کرێکایش دەڵێت، "ئەوە پێداچوونەوەیەکی ئاسایی نەبوو، مەترسی ئەوە هەیە کەیسەکەى لە دادگا بۆ ماوەى چەندین ساڵ بمێنێتەوە."