گه‌ڕان

Shadow Shadow
سیاسه‌تی

پێشبینى: شەپۆلى داهاتووى خۆڵبارین سێ ڕۆژ دەخایەنێت

2022.05.18 - 19:34
App store icon Play store icon Play store icon
پێشبینى: شەپۆلى داهاتووى خۆڵبارین سێ ڕۆژ دەخایەنێت

ناس کورد-

 

کەشناسێکى دیارى عێراقى پێشبیندەکات ئێوارەى شەممە شەپۆلێکى دیکەى خۆڵبارین عێراق بگرێتەوە و سێ رۆژ بخایەنێت.

کەناڵی ناس کورد لە تێلیگرام جۆین بکە   

 

سادق عەتیە (18-5-2022) لە بڵاوکراوەیەکدا رایگەیاند،  پێشبینی دەکرێت شەپۆلێکی نوێی خۆڵبارین لە ڕۆژی شەممەدا بە سوکی دەست پێبکات، ئێوارەی هەمان رۆژ شەپۆلەکە بەهێز دەبێت.

 

دەشڵێت سەرەتای شەپۆلەکە لە ڕۆژهەڵاتی سوریاوە دەستپێدەکات و دواتر دەگاتە شارەکانى ڕۆژئاوا و باکووری ڕۆژئاوای عێراق، دواتر سەرجەم ناوچەکان دەگرێتەوە.

 

بەوتەى سادق عەتیە، پێشبینی دەكرێت شەپۆلەکە رۆژانی یەكشەممە و دووشەممەش بەردەوام بێت. زۆرترین رێژه‌ی چڕی خۆڵبارینه‌كه‌ له‌ شاره‌كانی فوراتی ناوه‌ڕاست و باشووری خۆرئاوای عێراق ده‌بێت و پلەى گەرماش روو لە نزمبوونەوە دەکات و لەهەندێ ناوچە دەگاتە هەشت پلە.

 

ئەو کەشناسە رێنمایی دەداتە هاوڵاتییان لەکاتى شەپۆلەکەدا گەشتى وشکانى باش نییە، ئەو نەخۆشانەی هەستیاری و تەنگەنەفەسییان هەیە پێویستە ڕێوشوێنی پێویست بگرنەبەر و دوور بکەونەوەلە بەرکەوتنی ڕاستەوخۆ بە تۆز و لە ماڵەوە بمێننەوە مەگەر پێویست بکات.