گه‌ڕان

Shadow Shadow
سیاسه‌تی

هەڵبژاردن و سەرۆککۆمار

پارتى بەفەرمى داواى کۆبوونەوە لەیەکێتى دەکات

2022.05.18 - 16:28
App store icon Play store icon Play store icon
پارتى بەفەرمى داواى کۆبوونەوە لەیەکێتى دەکات

ناس کورد-

 

ئەندامێکى سەرکردایەتی پارتی رایگەیاند، بە فەرمی داوای کۆبوونەوەیان لە یەکێتی کردووە و لەم رۆژانەدا کۆبوونەوەکە لە ئاستی مەکتەبی سیاسیی هەردوولا دەکرێت.

کەناڵی ناس کورد لە تێلیگرام جۆین بکە   

 

ئاراس حەسۆ میرخان لە چاوپێکەوتنێکى تەلەفزیۆنیدا لەگەڵ "رووداو" وتى "پرسی سەرۆککۆمار یەکێک لە کێشەکانی نێوان پارتی و یەکێتییە، ئەگەر تەنانەت لەسەر سەرۆککۆمار رێکنەکەوین نابێ هەموو کێشەکانی دیکەش زەق بکەینەوە".

 

وتیشى "جاری پێشوو د. بەرهەم بەسەر بەربژێری پارتی بۆ پۆستی سەرۆککۆمار سەرکەوت، بەڵام دنیا کۆتایی پێنەهات و بەیەکەوە دانیشتینەوە و لەسەر بابەتی دیکە رێککەوتین".

 

پرسی هەمواری یاسای هەڵبژاردن و گۆڕینی سیستمی هەڵبژاردن لە یەک بازنەوە بۆ چەند بازنەیەک یەکێکە لەو بابەتانەی، کە کۆبوونەوەکانی پەرلەمانی پەکخستووە، ئاراس حەسۆ میرخان دەڵێت "هیچ کاتێک سوور نەبووین لەسەر ئەوەی یاسای هەڵبژاردن هەموار نەکرێتەوە، بەڵکو گوتومانە گۆڕانکاری لە یاسای هەڵبژاردن بەو مانایەیە کە هەڵبژاردن لەکاتی خۆیدا نەکرێت و قەت نەمانگوتووە سیستمی هەڵبژاردن دەبێ دەبێ یەک بازنە بێت و بەهیچ شتێکی دیکە رازی نییە".