گه‌ڕان

Shadow Shadow
سیاسه‌تی

وردەکاریی

دادگای ئیتاڵیا بڕیار لەسەر دۆسیەکەى مەلا کرێکار دەدات

2022.05.17 - 21:28
App store icon Play store icon Play store icon
دادگای ئیتاڵیا بڕیار لەسەر دۆسیەکەى مەلا کرێکار دەدات

ناس کورد-

 

چاوەڕواندەکرێت دادگای باڵای ئیتاڵیا لەچەند رۆژى کەمى داهاتوودا بڕیار لەسەر دۆسیەکەى مەلا کرێکار بدات.

کەناڵی ناس کورد لە تێلیگرام جۆین بکە   

 

خالید رەنجدەر براى مەلا کرێکار (17-5-2022) لە بڵاوکراوەیەکدا رایگەیاند، ئەمڕۆ بڕیاربوو دادگای باڵای ئیتاڵیا سەیری دۆسیەکە بکاتەوە. بەپێی قسەی پارێزەرە ئیتاڵییەکەی دەبێ ئەمڕۆ یان سبەی بڕیاری دادگا دەربچێت. 

 

وتیشى "تاکو ئێستا هیچ زانیارییەک بەدەست پارێزەرەکەی و ئێمە نەگەیشتووە. هەر دەرەنجامێکی هەبێت بڵاوی دەکەینەوە".

 

لە 10ی تەموزی 2020، بڕیار بوو جارێکی تر دادگای تێهەڵچوونەوەى بۆلزانۆ پێداچوونەوە بە سزادانی نەجمەدین فەرەج ئەحمەد، ناسراو بە مەلا کرێکار بکاتەوە کە لە 15ی تەموزی 2019، بەبێ ئامادەبوونی خۆی بە 12 ساڵ زیندانی سزای دا، بەڵام داواکەى مەلا کرێکار بۆ پێداچوونەوە ڕەتکرایەوە و سزاکەى وەک خۆی جێبەجێ دەکرێت.  

  

جگە لە مەلا کرێکاری 63 ساڵ، نۆ کەسی تر لە کەیسەکەدا تێوەگلاون و بە چەند ساڵێکی جیاواز سزا دراون، سەرجەمیان تۆمەتبارکراون بە دروستکردنی گروپێکی جیهادی بە ناوی "ڕەوتی شاخ" و هەوڵدان بۆ ئەنجامدانی "کاری چەکداری" لە وڵاتانی ئەوروپا، مەلا کرێکایش سەرپەرشتی کردوون.  

  

پارێزەرە ئیتاڵییەکەى مەلا کرێکار بە ناوی ڤیتۆریۆ پلاتی پێی وایە کە هیچ بەڵگەیەک نییە بۆ تۆمەتبارکردنی مەلا کرێکار بۆ تێوەگلانی بە ڕێکخراوێکی تیرۆرستییەوە.  

  

ئەو بە میدیاکانی ئیتاڵیا وتووە، "زۆر ڕوون و ئاشکرایە کە هیچ بەڵگەیەک نییە بۆ ئەوەى بیسەلمێنێت کە مەلا کرێکار بەشداری کردووە لە تۆڕێکی تیرۆرستی."  

  

برینجار مێلینگ، پارێزەرە نەرویجییەکەى مەلا کرێکایش دەڵێت، "ئەوە پێداچوونەوەیەکی ئاسایی نەبوو، مەترسی ئەوە هەیە کەیسەکەى لە دادگا بۆ ماوەى چەندین ساڵ بمێنێتەوە."