گه‌ڕان

Shadow Shadow
سیاسه‌تی

وردەکاریی

یەکەم وەڵام لە یەکێتییەوە بۆ پارتی لەبارەی پۆستەکەی بافڵ تاڵەبانی

2022.05.16 - 12:03
App store icon Play store icon Play store icon
یەکەم وەڵام لە یەکێتییەوە بۆ پارتی لەبارەی پۆستەکەی بافڵ تاڵەبانی

ناس کورد- 

پەرلەمانتارێکی فراکسیۆنی یەکێتی لە پەرلەمانی کوردستان وەڵامی فازڵ میرانیی دایەوە لەبارەی ئەوەی کە مەسعود بارزانی بافڵ تاڵەبانی بە سەرۆکی یەکێتی نازانێت و دەڵێت، "دەبێت شانازی بکات." 

کەناڵی ناس کورد لە تێلیگرام جۆین بکە   

 

فازڵ میرانی، سکرتێری مەکتەبی سیاسیی پارتی (دووشەممە 16-5-2022) ڕایگەیاند، "مەسعود بارزانی وەک برازا لەگەڵ بافڵ تاڵەبانی دادەنیشێت، ئەگەرنا ئەو سەرۆکی یەکێتی نییە." 

 

لەوبارەیەوە لە وەڵامێکدا عەباس فەتاح، ئەندامی فراکسیۆنی یەکێتی لە پەرلەمانی کوردستان لە نوسینێکدا ڕایگەیاند، "کاک بافل تا دوێنێ تەنها کوڕی مام جلال بوو، ئەمڕۆ سەرۆکی یەکێتی نیشتمانی کوردستانیشە." 

 

ئاماژەی بەوەشکردووە، "ئەوەی من بیستبێتم و خوێندبێتمەوە  لە ڕابردوو ڕەوان شاد مام جەلال هیچ کێشەیەکی کەسی لەگەڵ خوالێخۆشبوو جەنابی ملا مستەفا بارزانی و کاک مسعود نەبووە،  بەڵکوو زۆر ڕێزو خۆشەویستیش هەبووە لە نێوانیان، هەموو ئەو کێشانەی لە نێوانیان  دروست بوسە  لەسەر بیرو ڕای جیاواز بوە نەک کێشەی کەسی." 

 

ئەوەشی خستووەتەڕوو، کاک بافل لەسەر هەمان ڕێبازو ڕێچکەی جەنابی مام جەلال بەردەوام بوسەو نەشی شاردووەتەوە کە خۆی بە برازای کاک مەسعود دەزانێت و وەکو مام ناوی هێناوە، بەڵام لە کۆنگرەی چواری یەکێتی ئەندامان متمانەی سەرۆکایەتی یەکێتییان داوە بە کاک بافل، لە خواری خوارێوە تا سەرەوە لە ناو یەکێتی بڕیارو ڕاسپاردەکانی جێ بەجێ دەکرێت." 

 

ئەو پەرلەمانتارەی یەکێتی دەڵێت، "کاک بافڵیش ڕێگە بەخۆی نادات  تەنها وەکو کوڕی مام جەلال یان برازای کاک مەسعود هەلسوکەوت بکات و بڕیار بدات." 

 

ئاماژەی بەوەشکردووە، "لە هەمان کات بۆ کۆتایی هێنان بەو کێشە و دەست بادانانەی ئەمڕۆ هەیە لە نێوان پارتی و یەکێتی کاک مەسعود وەکوو مامێک پێویستە شانازی بکات و دڵخۆش بێت کە برازاکەی متمانەی سەرۆکی حیزبێکی بەهێزی وەکو یەکێتی پێ سپێردراوە و وەکو سەرۆکی یەکێتی لەگەلی دانیشێت و کۆتایی بەم گرژی و ئاڵۆزیانە بێنن و مام و برازایەتیەکەش هاوکارێکی بەهێز دەبێت بۆ گەیشتن بە چارەسەری کۆتای وبەهێزبونەوەی متمانەی تەواو لە نێوانیان."