گه‌ڕان

Shadow Shadow
سیاسه‌تی

زیاتر بزانە

هەواڵگریی ئۆکرانیا پێشبینی کۆتایی جەنگ و ’’شکستی ڕوسیا دەکات’’

2022.05.14 - 14:51
App store icon Play store icon Play store icon
هەواڵگریی ئۆکرانیا پێشبینی کۆتایی جەنگ و ’’شکستی ڕوسیا دەکات’’

ناس کورد-

دەزگای هەواڵگریی ئۆکرانیا پێشبینی دەکات تاوەکو سەرەتای مانگی ئابی ئەمساڵ جەنگ لە وڵاتەکەی بگاتە قۆناغی یەکلاییکەرەوە و "کۆتایی ئەمساڵیش جەنگەکە بە شکستی ڕوسیا کۆتایی بێت."

کەناڵی ناس کورد لە تێلیگرام جۆین بکە   

 

کیریلۆ بودانۆڤ، سەرۆکی دەزگای هەواڵگریی سەربازیی ئۆکرانیا (14ی ئایاری 2022) ڕایگەیاند کە "گەشبینە لە دۆخی ئێستا شەڕ" و وتی، "قۆناغی یەکلاییکەرەوە مانگی ئابی ئەمساڵ دەبێت."


باسی لەوەشکرد، "زۆربەی کردە سەربازییەکان تاوەکو کۆتایی ئەمساڵ تەواو دەبێت کە بەهۆیەوە کۆنتڕۆڵی تەواوی ئەو ناوچانە دەکەینەوە کە لەدەستمانداون، بە دونباس و قرمیشەوە."

 

سەرۆکی دەزگای هەواڵگریی سەربازیی ئۆکرانیا ئاماژەی بەوەشکرد کە "لە ئێستادا شەڕ و پێکدادان لە ناوچەی دۆنباس لە ڕۆژهەڵاتی ئۆکرانیا بەردەوامە، لە ماوەی ڕابرووشدا ڕوسیا هێز و چەکی زیاتری بۆ ناوچەکە ڕەوانە کردووە."

 

جەختیکردەوە کە "هەموو شتێک دەربارەی دوژمنەکەمان دەزانین، ئاگامان لە هەموو پلانەکانیان هەیە."

 


ناوبراو بەبێ ئاشکراکردنی هیچ بەڵگەیەک وتی، "پێویستە لە مۆسکۆ ئامادەکاری بکرێت بۆ کودەتا دژی ڤلادیمێر پوتین، بە تایبەت کە ناوبراو توشی شێرپەنجەیەکی کوشندە بووە."