گه‌ڕان

Shadow Shadow
سیاسه‌تی

مردنى مامۆستایەکى بەریتانى لەدهۆک 

دایکى داواى 300 هەزار دۆلار لە شۆفێرەکە دەکات

2022.05.12 - 15:51
App store icon Play store icon Play store icon
دایکى داواى 300 هەزار دۆلار لە شۆفێرەکە دەکات

ناس کورد-

 

دایکى مامۆستایەکى بەریتانى کە بەرووداوى هاتوچۆ لە دهۆک گیانى لەدەستدا، داواى 300 هەزار دۆلار لە شۆفێرەکە دەکات.

کەناڵی ناس کورد لە تێلیگرام جۆین بکە   

 

مامۆستاکە کە ناوى فلیپس لۆرنایە، لەمانگى 12 ى ساڵى رابردوو گیانى لەدەستدا، کاتێک ئۆتۆمبێلێک خۆى پێدا کێشا.

 

جین لۆرنا دایکى ئەو مامۆستایە بە رۆژنامەنوسانى راگەیاند، لەبەرئەوەى شۆفێرەکە یاساى هاتوچۆى پێشێلکردووە سکاڵاى تۆمارکردووە.

 

وتیشى کوڕەکەى بووە قوربانى پێشێلکردنى رێنماییەکانى هاتوچۆ، بۆیە داوا لە دادگا دەکات قەرەبوویان بکاتەوە.

 

کەیسى گیان لەدەستدانى ئەو مامۆستایە تا ئێستا یەکلایی نەبووەتەوە و چاوەڕواندەکرێت رۆژى یەکشەممە دادگا بڕیارى کۆتایی لەسەر بدات.

 

لاى خۆیەوە، پارێزەرى شۆفێرەکە بە رۆژنامەنوسانى وت "بەپێی راپۆرتى پزیشکى مامۆستاکە لەشەوى رووداوەکەدا سەرخۆش بووە و چووەتە سەر شەقام، شۆفیرەکە پابەندى رێنماییەکانى هاتوچۆ بووە و مامۆستاکەشى گەیاندووە نەخۆشخانە و هەڵنەهاتووە".

 

وتیشى "لایەنى بەرانبەر داواى 30 دەفتەر دۆلار دەکەن، ئەگەرنا سکاڵاکە ناکێشنەوە تا دادگا بڕیار دەدات و شۆفێرەکە سزا دەدرێت".