گه‌ڕان

Shadow Shadow
سیاسه‌تی

’’جگە لە دەزگاکانی نزیک لە خۆیان’’

مەسرور بارزانی ڕێگەی نەدا بەشێک لە کەناڵەکان بچنە کۆنگرە ڕۆژنامەوانییەکەیەوە

2022.05.11 - 14:40
App store icon Play store icon Play store icon
مەسرور بارزانی ڕێگەی نەدا بەشێک لە کەناڵەکان بچنە کۆنگرە ڕۆژنامەوانییەکەیەوە

ناس کورد-

رێکخراوی پەیامنێران بۆ ماف و گەشەپێدان ڕایگەیاند، مەسرور بارزانی، سەرۆکی حکومەتی هەرێمی کوردستان لە کۆنگرە ڕۆژنامەوانیەکەی ئەمرۆی "جگە لە دەزگا ڕاگەیاندنەکانی نزیک لە خۆیان و هەندێ کەناڵی عەرەبی، هیچ دەزگایەکی تری بانگ نەکردبوو."

کەناڵی ناس کورد لە تێلیگرام جۆین بکە   

 

ڕێکخراوەکە لە ڕاگەیەنراوێکدا لەبارەى کۆنگرە ڕۆژنامەوانییەکەی ئەمڕۆ چوارشەممە (11ی ئایاری 2022)ی مەسرور بارزانی، سەرۆکی حکومەتی هەرێم دەڵێت، "وەک رێکخراوی پەیامنێران بۆ ماف و گەشەپێدان ئەم کارەی سەرۆکی حکومەت بە پێشێلکاری بەرامبەر بە رۆژنامەنووسان دەزانین و پێشمان وایە نەدەبوو ئەم پێشێلکارییه بەسەر سەرۆک وەزیرانی هەرێمی کوردستان تێپەڕێت."


"داواکارین لە سەرۆکی حکومەتی هەرێم بەداوادچوونی جدی بکا لەسەر ئەو جیاکارییە بەرامبەر بە دەزگای راگەیاندن و رۆژنامەنووسان کراوە،" ڕێکخراوەکە دەڵێت.


باسی لەوەشکردووە کە "ئێمە لە رێکخراوی پەیامنێران بۆ ماف و گەشە پێدان نیگەرانین لەو جۆرە پێشێلکارییانەو بە دەرچوون لە یاسا بەرکارەکانی کاری رۆژنامەوانی لە هەرێمی کوردستانی دەزانین."