لەسلێمانى چوار ژن لەسەر هەڵکوتانە سەر پیاوێک دەستگیرکران

ناس کورد-

 

پۆلیسى سلێمانى رایگەیاند، چوار تۆمەتباریان دەستگیركردووە كە هەڵیان كوتابووە سەر هاوڵاتییەك و پارەیان لێسەندبوو.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى پۆلیس، دوای ئەوەی هاوڵاتییەك سكاڵای لەپۆلیسی سلێمانی تۆماركرد كە چوار ژن هەڵیان كوتاوەتە سەری و بەزۆر پارەیان لێسەندووە ، بەڕێز بەڕێوەبەری پۆلیسی پارێزگای سلێمانی سەرجەم بەش و بنكەكانی سنوری پارێزگای سلێمانی ڕاسپارد كە بەدواداچوونی بەپەلە بكەن بۆ دۆزینەوەو دەستگیركردنی تۆمەتباران.

 

ئاماژە بەوەشکراوە، دوای بەدواداچوون و لێكۆڵینەوەكانی پۆلیس ، سەرەنجام توانرا لەماوەی كەمتر لە 24 سەعات سەرجەم تۆمەتباران كە چوار ژنن دەستگیربكرێن و دانیان ناوە بەتاوانەكەیاندا.

 

لەئێستادا تۆمەتباران :

 

ش ، أ ، ف   لەدایكبووی  1998

ه ، ز ، ب  لەدایكبووی 2000

ز،ح،ت  لەدایكبووی  1999

ك ، ح ، ت  لەدایكبووی  1991

 

بەبڕیاری دادوەر ڕاگیراون و لێكۆڵینەوە لەگەڵیان بەردەوامە .