گه‌ڕان

Shadow Shadow
سیاسه‌تی

زیاتر بزانە

پەرلەمانتارێکی یەکێتی: پارتی لە مەرزی حاجی ئۆمەران سەرانە لە شۆفێران وەردەگرێت

2022.05.09 - 22:59
App store icon Play store icon Play store icon
پەرلەمانتارێکی یەکێتی: پارتی لە مەرزی حاجی ئۆمەران سەرانە لە شۆفێران وەردەگرێت

ناس کورد-

پەرلەمانتارێکی یەکێتی ڕایگەیاند، لە سنوری پارتی بە چەندین شێواز و لە ڕێگەی كۆمپانیای جۆراوجۆر ڕۆژانە پارە لە كاسبكاران دەسێنرێت و لێسەندنی سەرانە لە شوفێرانی بارهەڵگری مەرزی نێودەوڵەتی حاجی ئۆمەران هەموو سنوورێكی تێپەراندوە.

کەناڵی ناس کورد لە تێلیگرام جۆین بکە   

 

لوقمان وەردی لە لێدوانێکی بۆ میدیای فەرمیی حزبەکەی (9ی ئایاری 2022) ڕایگەیاند، "لە سەرەتای ئەم مانگەوە "بە بڕیارێكی حزبی هەر ئۆتۆمبێلێكی بارهەڵگر لە دەروازەی نێودەوڵەتی حاجی ئۆمەران كاربكات دەبێت ڕۆژانە 15 هەزار دینار بدات بۆ هەر بارێك".

 

دەشڵێت، "ئەو پارەیە بەهیچ شێوەیەك ناچێتەوە خەزێنەی گشتی دەوڵەت بەڵكو دەچێتە گیرفانی لێپرسراوانی حزبی و سەربازی پارتی."

 

لوقمان وەردی باسی لەوەشکردووە، "بۆ هەر بارێك بڕی حەوت هەزار دینار وەك دڵنیایی وەردەگیرێت تا ئێستاش لەگەڵ ئەوەی چەندین كارەساتی هاتووچۆ ڕوویانداوە، بەڵام هیچ ئۆتۆمبێلێك قەرەبوو نەكراوەتەوە، سەرەڕای ئەوەش لەمانگی پێشوو هەر شوفێرێكی بارهەڵگر بری 100 هەزار دیناری لێسەندراوە بەبیانووی نوێكردنەوەی گۆرەپانی وەستانی ئۆتۆمبێل."

 

ئاماژەی بەوەشکردووە کە "ئێستا لە مەرزی حاجی ئۆمەران زیاتر لە 633 ئۆتۆمبێلی بارهەڵگر كاردەكەن بەپێی سەپاندنی ئەم بریارە حزبیە لانیكەم مانگانە هەر ئۆتۆمبێلێك زیاتر لە 220 هەزار دیناری لێدەسێنرێت و سەرباری ئەوەش بۆ هەر ئۆتۆمبێلێكی بارهەڵگری ترانزێت بڕی 50 دۆلار وەردەگیرێت. ئەو پەرلەمانتارەی یەكێتی وتیشی، بۆ هەر ئۆتۆمبێلێكی مۆدێل تازەی هاوردەكراو بری پەنجا دۆلار وەردەگیرێت و ئەم بڕەپارەیە مانگانە دەكاتە سەدان هەزار دۆلار و راستەوخۆ بۆ گیرفانی تایبەتی لێپرسراوانی حزبی و سەربازی پارتیە".