گه‌ڕان

Shadow Shadow
سیاسه‌تی

بایکۆتى سەرتاسەرى

مامۆستایان و فەرمانبەرانى زانکۆکانی سلێمانی 24 کاتژمێر مۆڵەت دەدەنە حکومەت

2022.05.09 - 14:35
App store icon Play store icon Play store icon
مامۆستایان و فەرمانبەرانى زانکۆکانی سلێمانی 24 کاتژمێر مۆڵەت دەدەنە حکومەت

ناس کورد-



مامۆستایان و فەرمانبەرانى زانکۆکانی پارێزگای سلێمانی 24 کاتژمێر مۆڵەت دەدەنە حکومەت و هەڕەشەى بایکۆتى سەرتاسەرى دەکەن بەهۆى دواکەوتنى موچەکانیانەوە.

کەناڵی ناس کورد لە تێلیگرام جۆین بکە   

 

مامۆستایان‌ و فەرمانبەرانی ناڕازی زانكۆ  (9-5-2022) لە راگەیەنراوێکدا داوایانکردووە هەردوو وەزیری خوێندنی باڵا و وەزیری دارایی  لە  24 کاتژمێردا وەڵامی داواکاریەکانیان بدەنەوە "ئەگەرنا ئەوان و لایەنی پەیوەندیدار لە حکوومەت و سەرۆکی حکومەت بەرپرس دەبن لە پەکخستنی پرۆسەی خوێندن لە زانکۆکان".

 

دەقى راگەیەنراوەکە:

 

پەیامی مامۆستایان‌ و فەرمانبەرانی نارازی زانكۆ 

مامۆستایان ، خوێندکاران ، رۆشنبیران ومیدیاکاران ….

 

ئێمە کۆمەڵێک مامۆستایان و فەرمانبەرانی زانكۆی سلێمانی  و پۆلیتەکنیکی سلێمانی، و هەڵەبجە  و گەرمیان نارەزایەتی خۆمان دەرەبڕین بەرامبەر بە ئەو نادادیە کە ئەکرێت دژ بە شاری رۆشنبیری سلێمانی و هەڵەبجەی  شەهید وکەلاری ئەنفالکراوان ، بۆیە ئێمە وەکو مامۆستایانی زانکۆ  هەرەشەی بایکۆتی سەرتاسەری ئەکەین بەهۆی دواكەوتنی موچە وسووکایەتی بە زانکۆکانمان .

 

بەرێزان .. میدیاکاران 

 لێرەوە داواتان لێ ئەکەین دەنگمان بگەیەنن بە هەممو لایەک ،وە هەممو لایەک ئاگادار ئەکەین کە خۆپیشاندانی فراوان لەبەردەم كەمپی زانكۆکان  ئەنجام دەدەین لە بەر پێنەدانی موچەی مانگی سێ وە چەند داواکاریەک ئەخەینە روو، داوا ئەکەین کە بە زووترین کات هەردوو وەزیری خوێندنی باڵا و وەزیری دارایی لە حکومەتی هەرێم وە لە ماوەی ٢٤ کاتژمێر وەڵامی داواکاریەکانمان بەنەوە ئەگەرنا ئەوا ئەوان لایەنی پەیوەندی دار لە حکوومەت وسەرۆکی حکومەتی هەرێمی کوردستان بەرپرس دەبن لە پەکخستنی پرۆسەی خوێندن لە زانکۆکان .

 

بەرێزان …

 ئەوەی جێی نیگەرانی هەممومانە لە کاتێک پارە وبودجە نیە بۆ مووچە ، شاندی  وەزارەتی خوێندنی باڵا وتوێژینەوەی زانستی لە سەر داهاتی زانکۆو وەزارەتی خوێندنی باڵا سەردانی وڵاتی ئەڵمانیا ئەکەن بە ناوی کۆنفرانسی دڵنیایی جۆری ،  جێی سەر سوڕمان وپرسیارە لای هەممومان کە زانکۆکۆکان پاداشتی توێژینەوەی زانستی وکرێی وانەبێژی ،کە هۆی سەرەکی بەرز راگرتنی کواڵتیە ،ناتوانن خەرج بکەن لەبەر رێنمایی دارایی ، لە کاتێکدا بۆ سەفەری ئۆروپا پارە هەیە !!، هەر جێگای پرسیارە کە بە پێی نوسراوی وەزارەتی خوێندنی باڵا وتوێژینەوەی زانستی ژ ٢٩ لە ٧/٢/٢٠٢٢ نوسینگەی وەزیر زۆربەی ئەندامانی شاند سەر بە یەک لایەنی سیاسی ویەک زۆنن ، ئەمیش بەرای ئێمە نادادیە بەرامبەر سلێمانی گەرمیان وهەڵەبجە وزانکۆکانی .

 

بۆیە بە ناوی مامۆستایان‌و فەرمانبەرانی زانكۆی سلێمانی ، هەڵەبجە و گەرمیان داوا دەکەین، کە هەمووان  بە یەک دەنگ ‌داوای مافی خۆیان بكەن‌ مووچە وپاداشتی توێژینەوە و کرێی وانەبێژی ،و داكۆكی بكەن لەو مافەی کە لێیان زەوتكراوە ، هەروەها  داوا دەکەین کە بەرێز وەزیری خوێندنی باڵا بە فەرمی روونکردنەوە بدات لەسەر بابەتی نادادی لە دابەش کردنی مووچە وە خەرج کردنی داهاتی وەزارەت بە بێ هیچ بنەمایەکی لۆجیکانە و دوور لە دادوەری جوگرافی.

 

مامۆستایان و فەرمانبەرانی نارازی زانکۆ