گه‌ڕان

Shadow Shadow
سیاسه‌تی

ئەگەر بێتاوان دەرچوون چۆن قەرەبوو دەکرێنەوە؟

دادوەرێک لەبارەی پیشاندانی ڕوخساری تۆمەتبارانی ڕووداوەکەی هەولێر ڕوونکردنەوە دەدات

2019.07.26 - 22:47
App store icon Play store icon Play store icon
دادوەرێک لەبارەی پیشاندانی ڕوخساری تۆمەتبارانی ڕووداوەکەی هەولێر ڕوونکردنەوە دەدات

کەناڵی ناس کورد لە تێلیگرام جۆین بکە   

ناس کورد دادوەرێک دەڵێت پیشاندانی دیمەنی دانپێدانانی تۆمەتباران بە ڕەنگ و دەنگ لە قۆناغی لێکۆڵینەوە دژ بە مافی مرۆڤە و دەپرسێت: "ئەگەر ئەو تۆمەتبارانە بێتاوان دەرچوون چۆن قەرەبوو دەکرێنەوە؟". . لەتیف شێخ مستەفا، یاساناس و دادوەر لە هەژماری خۆی لە تۆڕی کۆمەڵایەتی فەیسبوک بڵاویکردووەتەوە: "پیشاندانی دانپێدانانی تۆمەتباران بە ڕەنگ و دەنگ لە قۆناغی لێکۆڵینەوە دژ بە مافی مرۆڤە، ھەرچەندە کەیسەکە گرنگ بێ و تاوانەکەش گەورەبێ، بیانوو نیە بۆ پیشاندانی تۆمەتباران لە قۆناغی لێکۆڵینەوە." . .لەتیف شێخ مستەفا نووسیویەتی، "تۆمەتبار بێ تاوانە و دەبێ ھەرواش مامەڵەی لەگەڵ بکرێت تا ئەو ڕۆژەی لەلایەن دادگایەکی دادپەروەر تاوانەکەی بەسەردا ساغ دەبێتەوە و حوکم دەدرێت، تەنانەت دوای حوکومدانیشی نابێ سوکایەتی بە کەرامەتیان بکرێت و بەڕەزامەندی خۆیان نەبێت نابێ وێنە و دەنگ و ڕەنگیان بڵاوبکرێتەوە." . نوسینەکەی ئەو دادوەرە دوای بڵاوکردنەوەی دیمەنی دانپێدانانی تۆمەتبارانی ڕووداوی تەقەکردنەکەی ڕیستۆرانتی هۆقەبازی شاری هەولێر هات کە بەهۆیەوە کارمەندێکی تورک و دوو هاوڵاتی هەرێم کوژران. . ئەو دادوەرە باسی لەوەکردووە، ئەگەر ئەم تۆمەتبارانە ھەندێکیان یان ھەمویان لە کاتی دادگایی کردندا بێ تاوان دەرچوون، کێ قەرەبوی خۆیان و کەس و کاریان دەکاتەوە؟. . ئەنجومەنی ئاسایشی هەرێم ئەمە یەکەمجاری نیە دانپێدانانی تۆمەتباران پێش یەکلابوونەوەی کەیسەکانیان لە دادگا بڵاودەکاتەوە و پێشتریش چەندجارێک دیمەنی تۆمەتبارانی بڵاوکردووەتەوە. .