گه‌ڕان

Shadow Shadow
سیاسه‌تی

کەشوهەوا

گەرما و شەپۆلێکی تری خۆڵبارین ناوچەکانی هەرێم دەگرێتەوە

2022.05.03 - 10:46
App store icon Play store icon Play store icon
گەرما و شەپۆلێکی تری خۆڵبارین ناوچەکانی هەرێم دەگرێتەوە

ناس کورد-

بەپێی پێشبینییە کەشناسییەکان، شەپۆلیکی تری خۆڵبارین ناوچەکانی هەرێمی کوردستان دەگرێتەوە و پلەکانی گەرماش بە شێوەیەکی بەرچاو بەرزدەبنەوە.

کەناڵی ناس کورد لە تێلیگرام جۆین بکە   

 

ئاراس جەبار، کەشناسی دیاریی هەرێمی کوردستان لە ڕوونکردنەوەیەکدا (3ی ئایاری 2022) دەڵێت، "سبەینێ چوارشەممە کاریگەری نزمەپاڵەپەستۆیەکی با و ناسەقامگیری دەریای ناوەراست لە ڕۆژئاوای عێراقەوە کاردەکاتەوە سەر کەشی ناوچەکە دەبێتەھۆی زیادبوونی خێرای با بەرادەیەکی بەرچاو بەتایبەت لە کاتەکانی نیوەرۆ بۆ ئێوارە بە ئاڕاستەی سەنتەری پاڵەپەستۆکەوە بەخێرای 20 تا 45کم/س لە ناوچەکانی سنوری گەرمیان و پارێزگای کەرکوک چالاکتر ئەبێت."

 

دەشڵێت، "ھەندێک کات خێرای با چاوەروان دەکرێت بگاتە زیاتر لە 50کم/س، ئەمەش دەبێتەھۆی بەرزبوونەوەی تۆز و خۆڵ و لەکاتەکانی شەویشدا شەپۆلێکی خۆڵبارین زۆربەی ناوچەکان دەگرێتەوە کە چڕی زیاتر لە سەر ناوچەکانی پارێزگای کەرکوک و گەرمیان ئەبێت".

 

ئاراس جەبار باسی لەوەشکردووە کە "ئاسمانی ھەرێم سبەینێ بەزۆری ناروون و پەڵە ھەوراوی ئەبێت و لە شەودا ئەگەری نمەباران لە ناوچە شاخاویەکانی پارێزگای دھۆک و ھەولێر دەبێت، پلەکانی گەرما بەرێژەی 5 تا 6 پلەی سیلیزی بەڕاورد بە ئەمڕۆ بەرزدەبنەوە."

 

بەم شێوەیە دەبێت لەسەنتەری پارێزگاکانی ھەرێم

سلێمانی 29 بە 15

ھەولێر 32 بە 18 پلە

دھۆک 30 بە 17 پلە

ھەڵەبجە 32 بە 16 پلە

کەرکوک 35 بە 22 پلە

لە ناوچەکانی گەرمیان 38 بە 22 پلە دەبێت

لە سنوری ئیدارەی ڕاپەرین 30 بە 17 پلە دەبێت

لە سنوری ئیدارەی سۆران 29 بە 14 پلە دەبێت