ناس کورد-
زیادبوونى هێرشەکانى روسیا بۆ سەر ئۆکرانیا هەڵکشانى ئاستى هەڵاوسان، پێشبینییەکان بۆ کۆبوونەوەى داهاتووى فیدراڵى ئەمەریکى لەبارەى نرخى سودەوە، گڕیان لەنرخى زێڕ و دۆلار بەردا و کێبڕکێی تۆمارکردنى ئاستى پێوانەیی دەکەن.
کەناڵی ناس کورد لە تێلیگرام جۆین بکە
ئەو هۆکارانە بازرگانیان هاندا بەشێوەیەکى زیاتر پێشوازى لە مامەڵەکردن بە زێڕ و دۆلار بکەن، لەکاتێکدا گرژییەکان لە رۆژهەڵاتى ئەوروپا لە زیادبووندان، ئەوەش بەپێی پێگەى (investing) ى تایبەت بە بازاڕە داراییەکان.
نرخى زێڕ لەمامەڵەکانى دووشەممە بازیدا و نزیکەى 20 دۆلار بەرزبووە و نرخى هەر ئۆنسەیەک گەیشتە 1995 دۆلار.
ئەو نرخە نزیکە لە بەرزترین ئاستى لە 10ى ئازارەوە و جارێکى دیکە بەرەو تاقیکردنەوەى 2000 دۆلار هەنگاو دەنێت.
لەگەڵ بەرزبوونەوەى نرخى زێڕ، نرخى دۆلار بەرانبەر دراوە سەرەکییەکانى دیکە بازیدا، لەگەڵ پاشەکشەى یۆرۆ و پاوەند و دۆلارى ئوسترالى.
ئاماژەى دۆلار لەماوەى دوو ساڵدا گەیشتووەتە بەرزترین ئاست و نزیکبووەتەوە لە ئاستى 10.77 خاڵ.
