قۆناغی دووەمی ئیرادەی نەسر لە دەوروبەری بەغدا بۆ پێنجەم ڕۆژ بەردەوامە

کەناڵی ناس کورد لە تێلیگرام جۆین بکە   

ناس کورد- سەرلەبەیانی ئەمڕۆ چوارشەممە، 24ی تەموزی 2019، ڕۆژی پێنجەمی قۆناغی دووەمی پڕۆسەی "ئیرادەی نەسر" لە لایەن هێزە عێراقییەکانەوە دەستیپێکرد، لە دوێنیوە زیاتر لە 30 گوندی باکوری بەغدایان کێوماڵ کردووە. تۆڕی ڕاگەیاندیی جەنگیی حەشدی شەعبی بڵاویکردەوە، هێزەکانیان بە هەماهەنگی لەگەڵ سوپای عێراق دەستیانکردووە بۆ ئۆپراسیۆنەکانیان لە ناوچەکانی باکوری شاری بەغدا. بەگوێرەی ڕاگەیاندراوەکە، هێزە عێراقییەکان توانیویانە لە چەند ڕۆژی ڕابردوودا پێشکەوتنێکی بەرچاو لە چوارچێوەی پرۆسەکەدا لەو ناوچانە بە دەستبهێنن. . هەر بەپێى ڕاگەیاندراوەکە، هێزە هاوبەشەکان توانیویانە لە قۆناغی دووەمی پرۆسەکەدا زیاتر لە 95 کیلۆمەتر دوجا پاکسازی بکەن بە تایبەتی لە ناوچەکانی "عەبایەچی، سور بەغدا و ئەو ناوچانەی کە دەکەونە سنوری  ناحییەی مشاهدە و قەزای تارمییە." ئۆپراسیۆنى "ئیرادەی نەسر" پێش دوو هەفتە لە لایەن هێزەکانی عێراقەوە دەستی پێکرد بۆ پاکردنەوەی خاکی عێراق لە پاشماوەکانی داعش لە ناوچەکانی باکووری شاری بەغداد تادەگاتە سنوری نێوان عێراق و وڵاتی سوریا.