گه‌ڕان

Shadow Shadow
سیاسه‌تی

زانیاریی زیاتر

لەبارەی ناسنامەی ئەو پزیشکە جوانکارییەی هەرای ناوەتەوە ڕوونکردنەوە دەدرێت

2022.04.08 - 09:50
App store icon Play store icon Play store icon
لەبارەی ناسنامەی ئەو پزیشکە جوانکارییەی هەرای ناوەتەوە ڕوونکردنەوە دەدرێت

ناس کورد- 

لە ڕوونکردنەوەیەکدا پەرلەمانتار، ئەبوبەکر هەڵەدنی ڕەتیدەکاتەوە ئەو پزیشکەی باس کردووە کە پەیوەندیی سێکسیی لەگەڵ چەند ئافرەتێکدا هەبووە، د. ئارا یوسف بێت، وەک ئەوەی لە تۆڕە کۆمەڵایەتییەکان بڵاوبووەتەوە.

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا ئەبوبەکر هەڵەدنی، ئەندامی پەرلەمانی کوردستان ڕایگەیاند، "بەداخەوە هەندێک پەیج ناوی بەڕێز (دکتۆر ئارای حاجی یوسف)یان هێناوە، ئەو دکتۆرەی کە باسم کردوە لەسنووری پارێزگای سلێمانی دا نیە و  کاک دکتۆر ئارا پەیوەندی پێوە کردم دڵنیام کردەوە ئەو زانیاریەی لای منە بەڕێزیان نین." 

 

ئاماژەی بەوەشکردووە، "چەند کەسێکی دوور لەگیانی بەرپرسیاریەتی و نامۆ بە مرۆڤ بوون ناتوانن پیشەی پزیشکی و ناوی هەزاران پزیشکی خاوێن لەکەدار بکەن." 

 

هاوکات د. ئارا یوسف لەسەر ئەو پرسە لە گرتەیەکی ڤیدیۆییدا ڕوونکردنەوە لەسەر ئەو بابەتە دەدات و ڕەتیدەکاتەوە ئەو پزیشکەی کە باس دەکرێت ئەو بێت. 

 

زیاتر بخوێنەرەوە؛ زانیاریی نوێ لەسەر ’’ئەو پزیشکەی پەیوەندیی سێکسیی لەگەڵ چەند ئافرەتێک هەبووە’’

 

 

ئەبوبەکر هەڵەدنی، ئەندامی فراکسیۆنی یەکگرتوو لە پەرلەمانی کوردستان لە میانەی چاوپێکەوتنێکی تەلەفزیۆنیدا کە "ناس کورد" بینیویەتی ڕایگەیاند، "ئافرەتێک هانای بۆ هێنام کە پزیشکێکی جوانکاری هەڵیخەڵەتاندووە و بەناوی ئەوەی کە دەیهێنێت پەیوەندیی سێکسی لەگەڵ دروست کردووە و سکی پڕ کردووە."   

  

وتیشی، بەوتەی ئافرەتەکە، ئەو پێنجەمین ئافرەتە کە ئەو پزیشکە ئەو کارەی لەگەڵ کردووە و پزیشکەکەش یەکێکە لە پزیشکە بەناوبانگەکان.   

  

ئەو پەرلەمانتارە باسی لەوەشکرد، "بەهۆی دروستنەبوونی کێشەی کۆمەڵایەتی ئافرەتەکە نەیوێراوە سکاڵا تۆمار بکات، بەداخەوە کە کەسێک خۆی بە پزیشک بزانێت و ئەو کارە بکات."  

 

زیاتر بخوێنەرەوە؛ تەندروستی لەسەر دەستدرێژی پزیشكێك بۆسەر پێنج ئافرەت هاتەدەنگ