ناس کورد-
مستەفا کازمی، سەرۆک وەزیرانی عێراق ڕایگەیاند، سوتاندنی بارەگای پارتی لە بەغدا و وەستانی هێزەکانی پاراستنی بارەگاکە بە دیار ڕووداوەکەوە قبوڵ کراو نییە و لێپرسینەوەیان لەگەڵ دەکرێت.
کەناڵی ناس کورد لە تێلیگرام جۆین بکە
سەرۆک وەزیرانی عێراق لە میانەی سەردانێکیدا بۆ وەزارەتی ناوخۆی عێراق (یەکشەممە 3-4-2022) ڕایگەیاند، "ئەوەی هەفتەی ڕابردوو ڕوویدا لە سووتاندنی بارەگای حزبی، لەکاتێکدا ئەو هێزەی بەرپرس بوو لە پاراستنی بارەگاکە تەماشای ڕووداوەکەیان دەکرد، ئەوە قبوڵ کراوە نییە و لێپرسینەوەیان لەگەڵدا دەکرێت."
ئاماژەی بەوەشکرد، "لەدوای ساڵی 2003، بارودۆخە ناوخۆیی و دەرەکییەکان وایانکرد عێراق بە قۆناغی لەدەستدانی وزەی مرۆیی و ئابووریی تێپەڕبێت، بۆیە پێویستە کەموکوڕییەکان دەستنیشان بکرێن و چارەسەر بکرێن."
سەرۆک وەزیرانی عێراق پەیامێکیشی ئاڕاستەی فەرماندە سەربازییەکان کرد و باسی لەوەکرد، "پێویستە لەو فشارە سیاسییانەی گروپەکان دەیکەن خۆیان رزگاربکەن، جگە لەوە بژاردەیەکی دیکەمان نییە."
