گه‌ڕان

Shadow Shadow
سیاسه‌تی

بڕیارێک بۆ ئۆتۆمبێلى بێ سەرەتا درا

2022.03.27 - 17:54
App store icon Play store icon Play store icon
بڕیارێک بۆ ئۆتۆمبێلى بێ سەرەتا درا

ناس کورد-

 

 لیژنەی سووتەمەنی سۆران بڕیاریدا بەنزینخانەیەک تەرخان بکرێت بۆ پێدانى بەنزینى عێراقى بە ئۆتۆمبێلى بێ سەرەتا و مەنەفێست.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى لیژنەکە، لەبەیانییەوە سیستەمی ژمارەی  تاک و جووت لە سەرجەم بەنزینخانەکانی  سەنتەری قەزای  سۆران، دیانا پەیڕەو دەکرێت، ئۆتۆمبێلى بێ سەرەتا و مەنەفێست تەنها لەبەنزینخانەی گۆڕەز دەتوانن بەنزین وەربگرن بەپێی ژمارەی جووتی شانسی.

 

دەقى راگەیەنراوەکە:

 

ئاگاداری تەواوی شوفێرانی ئەزیز دەکەینەوە کەوا لەبەیانییەوە سیستەمی ژمارەی  تاک و جووت لە سەرجەم بەنزینخانەکانی  سەنتەری قەزای  سۆران ، دیانا پەیڕەو دکرێت .

 

بۆ بەرچاوڕوونی بەڕێزتان  بەیانی تەنها ژمارەی چووت لە سەرجەم بەنزینخانەکانی گول ، کاکە، دێلزیان دەتووانن بەنزین وەربگرن. بۆڕۆژی دوواتر کە بەنزن دابەش دەکرێت لەهەمان بەنزینخانەکان تەنها ژمارەی تاک بەڕێ دەکرێ بۆ ئاگاداری شوفێرانی بەڕێز و پابەند بوونتان بە کاتی دیاری کراو جێگای ڕێز و تقدیرە.

 

سەبارەت بە ئۆتۆمیلەکانی بێ سەرەتای و مەنەفێس سەرجەمیان تەنها لەبەنزینخانەی گۆڕەز دەتوانن بەیانی  بەنزین وەربگرن کەتایبەت کراوە تەنها بەو جۆرە ئۆتۆمبێلانە وە بەپێی ژمارەی جووتی شانسی کەلە ژێر جامی پێشەوە نووسراوە بەیانی بەڕێ دەکرێن  بۆ ئاگاداریتان لەگەل ڕێزماندا.

 

تێبینی1 :- هەر شوفێرێک دەسکاری تابلۆی ئۆتۆمبێلەکەی بکات دەستی بەسەر دادەگیرێت و بە تزویر مامەلەی  لەگەل دەکرێ  لەڕێگەی دادگاوە کەیسی لێکۆلینەوەی بۆ دەکرێتەوە.

 

2-سەبارەت بە ژماەی جووت و تاک کۆتا ژمارەی تابلۆ حیسابی بۆ دەکرێ  بۆنموونە 12356 ژمارە(6) وەر دەگیرێت . سەبارەت بە ئۆتۆمیلەکانی بێ سەرەتا کۆتا ژمارەی شانسی حیسابی بۆ دەکرێت

سەرۆکی لیژنەی سووتەمەنی سۆران 2022/3/27