گه‌ڕان

Shadow Shadow
سیاسه‌تی

بەپەلە

پەروەردەی سلێمانی لەسەر دەوامی خوێندن و بایکۆت بڕیارێکی دەرکرد

2022.03.26 - 21:05
App store icon Play store icon Play store icon
پەروەردەی سلێمانی لەسەر دەوامی خوێندن و بایکۆت بڕیارێکی دەرکرد

ناس کورد- 

 

بەڕێوەبەرایەتی پەروەردەی سلێمانی نوسراوێکی ئاڕاستەی سەرجەم بەڕێوەبەری قوتابخانەکان کرد و داوا دەکات، ناوی ئەو مامۆستایانەیان بۆ بنێرن کە بایکۆتییان کردووە و دەوام ناکەن، دەشڵێت، "بەهیوای پابەندبوونی تەواوی مامۆستایانین لەناوەندەکانی خوێندن، چونکە ناخوازین هیچ کەس لێپرسینەوەی یاسایی لەگەڵ بکرێت."

 

کەناڵی ناس کورد لە تێلیگرام جۆین بکە   

 

لە پەیامەکەدا کە بەڕێوەبەرایەتی پەروەردەی سلێمانی بۆ بەڕێوەبەری سەرجەم قوتابخانەکانی سنوری پارێزگای سلێمانی ناردووە و وێنەیەکی دەست "ناس کورد" کەوتووە، تیایدا هاتووە، "بەڕێوەبەرە بەڕێزەکان.... ئاگادارتان دەکەین کە بۆ تەواوکردنی ساڵی خوێندن چەند هەفتەیەک ماوە، قوتابیان و خوێندکاران چاوەڕوانی تەواوکردنی ساڵێکی خوێندنن، بۆیە دەستخۆشی و ماندوونەبوونی لە سەرجەمتان دەکەین بە پابەندبوونتان بە دەوامەوە سەرەڕای هەبوونی قەیران و بێدادی، بەڵام پرۆسەی خوێندن تووشی کێشەی ڕاگرتن ناکەن و مەترسی لەسەرچارەنووسی خوێندن دووردەخەنەوە." 

 

ئاماژەی بەوەشکردووە، "داواکارین بۆ ئەوەی هەوڵ و ماندووبوونی مامۆستایان لەبەرچاو بگیرێت بەزووترین کات ناوی ئەو مامۆستایانەی ئامادەنین دەوام بکەن بەنوسراو بەرزبکەنەوە لەڕێگەی سەرپەرشتیاری هاوڕێی ڕەخنەگر بۆپەروەردە." 

 

ئەوەشی خستووەتەڕوو، "بەهیوای پابەندبوونی تەواوی مامۆستایانین لەناوەندەکانی خوێندن، چونکە ناخوازین هیچ کەس لێپرسینەوەی یاسایی لەگەڵ بکرێت، قەیرانی بێ مووچەیی بەڕاگرتنی دەوام چارەسەرنابێت و زەرەرمەندی سەرەکیش قوتابیان و خوێندکاران دەبن...لەگەڵ هیوای سەرکەوتن."