گه‌ڕان

Shadow Shadow
سیاسه‌تی

زانیاریی زیاتر

زانیاریی نوێ لەبارەی تەرمی سێ گەنجە بێسەرووشوێنبووەکەی ماوەت

2022.03.23 - 09:31
App store icon Play store icon Play store icon
زانیاریی نوێ لەبارەی تەرمی سێ گەنجە بێسەرووشوێنبووەکەی ماوەت

ناس کورد- 

ئەمڕۆ چوارشەممە جارێکی دیکە گەڕان بەدوای گەنجە بێسەروشوێنبووەکانی قەزای ماوەت دەستپێدەکاتەوە و قائیمقامی قەزاکەش دەڵێت، بەهۆی دۆخی کەشوهەوا و ساردی ئاوەکە کێشەیان بۆ دروست بووە، بەڵام هیوادارن ئەمڕۆ بیاندۆزنەوە. 

کەناڵی ناس کورد لە تێلیگرام جۆین بکە   

 

کامەران حەسەن، قائیمقامی قەزای ماوەت (چوارشەممە 23-3-2022) بە "ناس کورد"ی وت، "ئەمڕۆ جارێکی دیکە دەست بە گەڕان دەکەینەوە بۆ دۆزینەوەی سێ گەنجە بێسەروشوێنبووەکەی چەمی خەمەلوکە." 

 

ئاماژەی بەوەشکرد، " شوێنی ئاوەکە سەختە، کەشوهەوا و ئاوەکەش زۆر ساردە ئەوەش گرفتی بۆ دروست کردوین، بەڵام هەوڵدەدەین ئەمڕۆ شتێکمان دەستبکەوێت." 

 

باسی لەوەشکرد، " پێشبینی دەکرێت گەنجەکان کیلۆمەترێک لەشوێنی ڕووداوەکە دوورکەوتبنەوە، ئەگەریش ژێرئاو کەوتبن نزیکەی حەوت رۆژیان دەوێت تا سەر ئاو دەکەون." 

 

وتیشی، "تیمێکی شارەزای مەلەوانی لە تەق تەقەوە دەڵێن، دەتوانن بیاندۆزنەوە، بۆیە ئەمڕۆ دێن و لەگەڵماندا دەگەڕێن." 

 

ڕۆژی 21-3-2022، لەکاتی وێنەگرتن لەسەر پردێکی چەمی خەلوکە، گەنجێک کەوتە نێو ئاوەکە و دوو گەنجی دیکەش کە لەگەڵیدا بوون بەمەبەستی رزگارکردنی خۆیان هەڵداوەتە ئاوەکەوە، بەڵام لەوکاتەوە هەرسێکیان بێسەروشوێنن.

 

ماوەی دو رۆژە تیمەکانی بەرگری شارەستانی و فڕۆکەوانی و غەواس و مەلەوانی و خەڵکی ناوچەکە سەرقاڵی گەڕانن بەدوایانادا، هەتا ئێستا نەتوانراوە بدۆزرێنەوە.